SportPress.kz قازاقستان سپورت جاڭالىقتارى
سپورتتىق گيمناستيكادان قازاقستان قۇراماسىنىڭ مۇشەسى ناريمان كۋربانوۆ پاريجدەگى وليمپيالىق ويىنداردىڭ ليتسەنزياسىن جەڭىپ الدى، دەپ حابارلادى Olympic.kz.
گيمناستيكالىق ات سناريادىندا سىنعا تۇسكەن ناريمان كۋربانوۆ كاتاردىڭ استاناسى – دوحا قالاسىندا ءوتىپ جاتقان الەم كۋبوگى كەزەڭىندە ءتورتىنشى ورىن الدى. ونىڭ جولداما جولىنداعى باستى قارسىلاسى، تايپەيلىك لي چي كاي ەكىنشى ورىننان كورىندى.
قازاقستان سپورتشىسى جالپى ەسەپتە 70 ۇپاي جيناپ، الەم كۋبوگى كەزەڭدەرىن ەكىنشى ورىنمەن اياقتادى. ال وليمپيادا جولداماسى ءبىرىنشى جانە ەكىنشى ورىن العان سپورتشىلارعا بەرىلەدى. ءبىرىنشى ورىندى 85 ۇپاي جيناعان يوردانيالىق گيمناست يەلەندى.
باس جاتتىقتىرۋشى الەكساندر كيمنىڭ ايتۋىنشا،ناريمان كۋربانوۆتىڭ وليمپياداعا جولداما العانى قۇرامانى قۋانتىپ وتىر. ول الەم كۋبوگى كەزەڭدەرىنىڭ قورىتىندىسى بويىنشا ەكىنشى ورىنان كورىندى.
وسى جارىستا قولا مەدال يەلەنگەن يرلانديالىق ريز ماككلەناگان وليمپيادا جولداماسىن الىپ قويعان. سوندىقتان، الەم كۋبوگىنىڭ جالپى ەسەبىندە ءۇشىنشى ورىنعا بەرىلەتىن 20 ۇپاي ناريمان كۋربانوۆتىڭ ەنشىسىنە جازىلدى. وسىلايشا، ول 70 ۇپايمەن پاريجگە جولداما الدى.
ءيا، ورىنداۋ كەزىندە ازداعان كەمشىلىك بولدى. بىراق وليمپياداعا دەيىن مۇنىڭ ءبارىن رەتتەۋگە تىرىسامىز. ناريمان جۇلدەگەرلەر قاتارىنا قوسىلا المادى. دەسە دە، ول سپورتتىق گيمناستيكادان الەمدىك ەليتا قاتارىنا سەنىمدى تۇردە ەنەدى، — دەدى الەكساندر كيم.
بۇل — سپورتتىق گيمناستيكادان قازاقستان كومانداسى جەڭىپ العان ەكىنشى ليتسەنزيا. بۇعان دەيىن ميلاد كاريمي كوپسايىستىن جولداما جەڭىپ العان بولاتىن.
كەشە ەركىن جاتتىعۋدا وليمپيادا ليتسەنزياسىنىڭ يەگەرى ميلاد كاريمي (14.766 ۇپاي) چەمپيون اتاندى. ال دميتري پاتانين 14.500 ۇپاي جيناپ، ءۇشىنش ساتىدان كقرىندى. كۇمىس مەدالدى ليۋك ۋايتحاۋس ( ۇلىبريتانيا، 14.566 ۇپاي) جەڭىپ الدى.
بۇگىن ميلاد كاريمي قوسسىرىق پەن كەرمە جاتتىعۋىنىڭ فينالىندا باق سىنايدى.
قازىر قازاقستاندا سپورتتىڭ 14 سپورت 42 ليتسەنزيا بار.
View this post on Instagram
