كوركەم گيمناسشىلار وليمپيادا جولداماسىن ساراپقا سالادى

وزبەكستاننىڭ استاناسى – تاشكەنت قالاسىندا كوركەم گيمناستيكادان ازيا چەمپيوناتى باستالادى، دەپ حابارلادى olympic.kz

وعان قازاقستان قۇراماسىنان جالپى ەسەبى 8 سپورتشى قاتىسادى.

جەكەلەي سىندا ەلجاڭا تانيەۆا مەن ايبوتا ەرتايقىزى ونەر كورسەتەدى.  ال توپتىق جاتتىعۋدا اياۋلىم كادىر، ارۋجان قالساەۆا، اقسۇڭقار ءابدىراحمان، بايان قويباعار، ماريا كورنيەنكو مەن سوفيا ان سىنعا تۇسەدى.

وسى ازيا چەمپيوناتىندا جەكەلەي سىن مەن توپتىق جاتتىعۋدان وليمپياداعا ءبىر-ءبىر كۆوتا ويناتىلادى.

ليتسەنزيا كوپسايىس ناتيجەسى بويىنشا بەرىلەدى.

ۇلتتىق قۇرامانىڭ باس جاتتىقتىرۋشىسى ءاليا يۋسۋپوۆانىڭ ايتۋىنشا، كوماندانىڭ جارىسقا دايىندىعى وتە جاقسى.

بۇل ازيا چەمپيوناتىنداعى ءبىزدىڭ ەڭ نەگىزگى ماقساتىمىز – 2024 جىلعى پاريج وليمپياداسىنىڭ جولداماسىن جەڭىپ الۋ. كوماندانىڭ دايىندىعى جاقسى. فەدەراتسيا ءوز كەزەگىندە قاجەتتى جاعدايدىڭ ءبارىن جاسادى، — دەدى ول.

ول قىزدار ەندىگى كەزەكتە جۇلدە الۋ ءۇشىن بارىن سالاتىنىن ايتتى.