استانالىق وقۋشى شاحماتتان الەم چەمپيونى اتاندى

كلاسسيكالىق شاحماتتان پەرۋءدىڭ استاناسى – ليما قالاسىندا وتكەن الەم چەمپيوناتىندا استانا قالاسىنىڭ تۇرعىنى ايارۋ التىنبەك 13 جاسقا دەيىنگى وقۋشىلار اراسىندا التىن مەدالدى جەڭىپ الدى.

قالا اكىمدىگىنىڭ حابارالۋىنشا، №9 «زەردە» مامانداندىرىلعان ليتسەيىنىڭ وقۋشىسى جارىستىڭ اياقتالۋىنا ءبىر تۋر قالعاندا، مەرزىمىنەن بۇرىن جەڭىسكە جەتتى.

ەڭ جوعارى رەيتينگتىك ۇپايى (1868) بار شاحماتشى سوڭعى تۋردى ءساتتى اياقتاپ، 9 پارتيادان 8،5 ۇپاي جينادى. ءسويتىپ، كۇمىس جۇلدەگەردەن 1،5 ۇپايعا ۇزاپ كەتتى. ايارۋ التىنبەك قازىرگى كەزدە گروسسمەيستەر انتون فيليپپوۆپەن بىرگە جاتتىعادى، — دەلىنگەن قازاقستان شاحمات فەدەراتسياسىنا سىلتەمە جاساعان اكىمدىكتىڭ حابارلاماسىندا.

وقۋشىلار اراسىندا كلاسسيكالىق شاحماتتان 2024 جىلى الەم چەمپيوناتى ء(بىر پارتياعا 90 مينۋت جانە قوسىمشا ءار ءجۇرىس ءۇشىن 30 سەكۋند بەرىلەدى) شۆەيتساريالىق جۇيە (9 تۋر) بويىنشا 7-دەن 17 جاسقا دەيىنگىلەر اراسىندا بوزبالالار (Open) جەنە قىزدار (Girls) اراسىندا بولەك وتكىزىلدى.

چەمپيوناتتىڭ اشىلۋ ءراسىمى 1 مامىردا Regional Sports Village of Callao عيماراتىندا بولىپ، وعان پەرۋ سپورت ينستيتۋتىنىڭ (IPD) ديرەكتورى گيدو فلورەس جانە پەرۋ ءبىلىم ءمينيسترى مورگان كەرو قاتىستى.

چەمپيوناتقا پەرۋ، قازاقستان، ەكۆادور، بوليۆيا، مەكسيكا، كولۋمبيا مەن موڭعوليانى قوسقاندا، 26 ەلدەن 1174 جاس شاحماتشى قاتىسىپ، باق سىنادى.

ايارۋ التىنبەك 6-سىنىپتىڭ ۇزدىك وقۋشىسى.