Dzıýdodan álem chempıonatyna qatysatyn Qazaqstan quramasy anyqtaldy

19-24 mamyr aralyǵynda Birikken Arab Ámirlikteriniń Abý-Dabı qalasynda dzıýdodan erler men áıelder arasyndaǵy álem chempıonaty jalaý kóteredi.

Bul jarysqa Qazaqstan komandasy tolyq quramda qatysady, dep habarlady Qazaqstan dzıýdo federaııasy.

Olımpıada jyly bolǵandyqtan olımpııalyq reıtingtik týrnırler arasy óte jaqyn bolyp jatyr. Sportshylarymyz mamyr aıynda úsh mańyzdy jarysqa qatar daıyndaldy. Onyń aldynda Azııa chempıonaty men Grand Slam jarysynan keıin álem chempıonatyna qatysatyn quram jasaqtaldy. Qatysýshylar arasynda tájirıbeli sportshylar da, eresekterge endi aýysyp jatqan jastar da bar.

Al 60 kelige deıingi salmaq dárejesinde Nurqanat Serikbaev álemdik reıtıngte basqa komandalastarynan joǵary turǵandyqtan osy salmaqta birinshi bolyp quramaǵa qosyldy, — dedi erler quramasynyń bas jattyqtyrýshysy Nurbol Súleımenov.

Álem chempıonatynyń ekinshi joldamasy Astanada ótken Qazaqstan Barysy Grand Slam jarysynan keıin federaııanyń Atqarý komıteti men jattyqtyrýshylar quramynyń birikken jınalysynda talqylandy.

Astanada ótken Grand Slam jarysynan keıin Eldos Smetov pen Maǵjan Shamshadınge birdeı múmkindik berilgen bolatyn. О́zderińiz kórgendeı, Maǵjan Shamshadın jarysty birinshi aınalymnan aıaqtady.

Eldos Smetov júldegerler qatarynan kórinip, qola medalǵa ıe boldy. Sondyqtan oǵan álem chempıonatyna qatysýǵa múmkindik berildi, — dedi federaııanyń atqarýshy dırektory Aıbek Imashev.

Eske sala ketsek, Astanada ótken Qazaqstan Barysy Grand Slam dodasynda Ǵalııa Tyńbaeva (-48 kg) altyn, Eldos Smetov (-60 kg), Baqytjan Abdýrahmanov (-73 kg) pen Abylaıhan Jubanazar (-81 kg) qola júldeni ıelengen bolatyn.

Biz úsh salmaqta eki sportshydan qoıǵandyqtan, 90 kelige deıingi salmaqtaǵy sportshylar tek aralas komandalyq jarysqa qatysady. Eskerte ketetini, álem chempıonatyna qatysý úshin dzıýdoshylar olımpııalyq reıtıngte TOP-100 tiziminde bolý kerek. О́kinishke qaraı, bizdiń jas sportshylarymyz bul tizimge endi ǵana enip kele jatyr, — dedi Nurbol Súleımenov.

Dzıýdodan erler men áıelder arasynda ótetin álem chempıonatyna qatysatyn Qazaqstan quramasy:

Erler:

60 kg: Nurqanat Serikbaev, Eldos Smetov

66 kg: Ǵusman Qyrǵyzbaev, Janarys Rahmetqalı

73 kg: Danııar Shamshaev, Baqytjan Ábdirahmanov

73 kg: Darhan Qoıbaǵar (aralas komandalyq jarys)

81 kg: Abylaıhan Jubanazar

90 kg: Aıdar Arapov (aralas komandalyq jarys)

100 kg: Nurlyhan Sharhan

+100 kg: Erasyl Qajybaev

Áıelder:

48 kg: Abıba Ábýjaqynova, Ǵalııa Tyńbaeva

57 kg: Baqyt Qusaqbaeva

63 kg: Esmıgúl Kýıýlova

70 kg: Ekaterına Tokareva

-78 kg: Arýna Jangeldına

+78 kg: Kamıla Berliqash

Abý-Dabıde ótetin álem chempıonaty dzıýdoshylar úshin olımpııalyq reıtıngke upaı beretin sońǵy jarys bolady. Oǵan 103 elden 600-den astam tatamı sheberi qatysady.