حوككەيدەن ءاچ: قازاقستان قۇراماسى ەليتاداعى ورنىن ساقتاپ قالدى

حوككەيدەن فينليانديادا ءوتىپ جاتقان الەم چەمپيوناتىندا قازاقستان قۇراماسى پولشا كومانداسىمەن توپتاعى سوڭعى ماتچىن وينادى.

ۆ توبىنداعى سوڭعى ماتچ الەم چەمپيوناتىنىڭ ەليتاسىندا قالاتىن كوماندانى انىقتادى.

بۇل ويىندا ەلىمىزدىڭ ۇلتتىق قۇراماسى تۋرنير كەستەسىنىڭ ەڭ سوڭىندا كەلە جاتقان پولشا قۇراماسىن 3:1 ەسەبىمەن جەڭدى.

قازاقستان ساپىنان نيكيتا ميحايليس (13-مينۋت)، ۆالەري ورەحوۆ (51) پەن رومان ستارچەنكو (55) ءبىر-ءبىر شايبانى قاقپانىڭ تورىنا توعىتتى.  قارسىلاس ساپىنان كاميل ۆالەگا (10) ءبىر شايبا سوقتى.

چەمپيوناتتا 6 ۇپاي جيناعان قازاقستان قۇراماسى ەليتالىق ديزيۆيونداعى ورنىن ساقتاپ قالدى. ال تۋرنير كەستەسىنىڭ ەڭ سوڭىندا قالعان پولشا ەليتا ديۆيزيونىمەن قوشتاستى.

قازاقستان كومانداسىن عالىم مامبەتاليەۆ جاتتىقتىرادى. ۇلتتىق قۇراما ەليتالىق ديۆيزيونعا 2019 جىلى ورالعان بولاتىن.

داستان كەنجالين،

استانا