Hokkeıden ÁCh: Qazaqstan quramasy elıtadaǵy ornyn saqtap qaldy

Hokkeıden Fınlıandııada ótip jatqan álem chempıonatynda Qazaqstan quramasy Polsha komandasymen toptaǵy sońǵy matchyn oınady.

V tobyndaǵy sońǵy match álem chempıonatynyń elıtasynda qalatyn komandany anyqtady.

Bul oıynda elimizdiń ulttyq quramasy týrnır kestesiniń eń sońynda kele jatqan Polsha quramasyn 3:1 esebimen jeńdi.

Qazaqstan sapynan Nıkıta Mıhaılıs (13-mınýt), Valerıı Orehov (51) pen Roman Starchenko (55) bir-bir shaıbany qaqpanyń toryna toǵytty.  Qarsylas sapynan Kamıl Valega (10) bir shaıba soqty.

Chempıonatta 6 upaı jınaǵan Qazaqstan quramasy elıtalyq dızıvıondaǵy ornyn saqtap qaldy. Al týrnır kestesiniń eń sońynda qalǵan Polsha elıta dıvızıonymen qoshtasty.

Qazaqstan komandasyn Ǵalym Mámbetálıev jattyqtyrady. Ulttyq qurama elıtalyq dıvızıonǵa 2019 jyly oralǵan bolatyn.

Dastan KENJALIN,

ASTANA