ۇلتتىق قۇرامانىڭ ءتورت گيمناسشىسى فينالعا شىقتى

سپورتتىق گيمناستيكادان بولگاريانىڭ ۆارنا قالاسىندا ءوتىپ جاتقان Challenge Cup تۋرنيرىندە ۇلتتىق قۇرامانىڭ ءتورت گيمناسشىسى فينالعا شىقتى، دەپ حابارلادى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى.

ەركىن جاتتىعۋدا دميتري پاتانين 14.600 ۇپاي الىپ،  ىرىكتەۋدە ەكىنشى ورىن السا، 13.750 ۇپاي جيناعان اسان ساليموۆ التىنشى ورىننان كورىندى.

ات سناريادىندا ناريمان كۋربانوۆ 15.650 ۇپاي جينادى. ول ءبىرىنشى ورىنعا شىقتى.

زەينوللا يدريسوۆ 14.850 ۇپايمەن ەكىنشى ورىنعا ورنالاستى.

قوس سىرىق جاتتىعۋىندا دميتري پاتانين 13.600 ۇپايمەن سەگىزىنشى ورىندى قاناعات تۇتتى.

بۇل جارىسقا بارلىعى 25 ەلدەن 76 گيمناست جينالدى.