Nysana kózdeýshi Aleksandra Le maýsymdaǵy úzdik nátıjesin kórsetti

Germanııanyń Mıýnhen qalasynda nysana kózdeýden maýsymdaǵy sońǵy Álem kýbogynyń kezeńi ótip jatyr, dep habarlady Týrızm jáne sport mınıstrliginiń Sportty damytý dırekııasy.

Ulttyq quramanyń sportshysy Aleksandra Le 10 metrden pnevmatıkalyq vıntovkamen nysana kózdeýde 632 upaımen 12-orynnan kórindi. Onyń fınalǵa shyǵýyna 0,6 upaı, al Qazaqstan rekordyn tirkeýine 0,7 upaı jetpeı qaldy.

Aleksandra Le bıyl naýryzda Shymkentte ótken el chempıonatynda týra osyǵan jaqyn nátıje kórsetken (630.2).

Qazir Qazaqstan rekordynyń ıesi — Elızaveta Bezrýkova (632.7 ball).

Irikteý kezeńindegi álem rekordyn osy synda Qytaıdyń Hanchjoý qalasynda ótken Azııa oıyndary men álem chempıonatynyń úsh dúrkin jeńimpazy Hýan Iý Tın tirkedi (635.3 ball).

Álem kýbogynyń kezeńinde Elızaveta Bezrýkova 36-oryndy (629.3 ball) ıelense, Arına Altýhova 77-orynǵa (626.2 ball), al Sofııa Shýljenko 106-orynǵa (622.2 ball) ıe boldy.

Bul baǵdarlamada áıelder arasynda 148 mergen synǵa tústi. Aleksandra Le bıyl halyqaralyq jarystarda áıelder arasynda eń kóp upaı jınady.

Vıntovkamen nysana kózdeýde komanda sapynda erlerden úzdik nátıjeni Islam Satpaev kórsetti (629.3 upaı). Ol jarysqa qatysqan 118 mergenniń ishinde 29-orynǵa ornalasty. Odan keıingi oryndardy Konstantın Malınovskıı (54), Nıkıta Shahtorın (92) men Matveı Tımofeev (102) aldy.

Bul kezeńge 88 memleketten 612 úzdik sportshy qatysyp jatyr.