SportPress.kz قازاقستان سپورت جاڭالىقتارى
تەننيستەن گەرمانيانىڭ استاناسى – بەرلين قالاسىندا ءوتىپ جاتقان Berlin Ladies Open WTA 500 تۋرنيرىندە الەمنىڭ 4-راكەتكاسى، ەلىمىزدىڭ ۇزدىك تەننسيشىسى ەلەنا رىباكينا جارىس جولىنان شىعىپ قالدى. ول ءتۋرنيردى 1/4 فينالدا اياقتادى، دەپ حابارلادى قازاقستان تەننيس فەدەراتسياسى.
شيرەك فينالدا وتانداسىمىز بەلارۋس وكىلى ۆيكتوريا ازارەنكومەن ويناپ، ءبىرىنشى سەتتە (1:3) ءوزىن جايسىز سەزىنۋىنە بايلانىستى جارىستان شىعاتىنىن ايتتى. ول ويىندى ارى قاراي جالعاستىرا المادى.
رىباكينا Berlin Ladies Open WTA 500 ءتۋرنيرىن جاقسى باستاعان ەدى. ول جارىستىڭ 3-راكەتكاسى بولىپ تىركەلىپ، دۇنيەجۇزىلىك رەيتينگىدە 35-ورىندا تۇرعان رەسەيلىك ۆەرونيكا كۋدەرمەتوۆامەن وينادى. وسىعان دەيىن تەننيسشىلەر ءوزارا ءتورت رەت كەزدەسىپ، سونىڭ بارىندە رىباكينانىڭ جەڭىسىمەن اياقتالعان بولاتىن. بۇل ماتچتا دا رىباكينا قارسىلاسىن جەڭگەن.
