SportPress.kz Qazaqstan sport jańalyqtary
Jámıla Baqbergenova Albanııanyń astanasy — Tıranada ótip jatqan kúresten álem chempıonatynda kúmis júldege ıe boldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.
Ol 72 kg deıingi salmaqtyń fınalynda japon palýany Amı Ishımen kúsh synasyp, asa tartysty beldesýde 6:10 esebimen jeńilip qaldy.
Bul — 28 jastaǵy bozkilem sheberiniń eresekter arasyndaǵy álem chempıonatyndaǵy tórtinshi medali. Jámıla Baqbergenova 2021 jyly Osloda, 2022 jyly Belgradta kúmis júldeger atanǵan. Al byltyr Serbııanyń astanasynda úzdik úshtikti túıindegen.
Aıta keteıik, Baqbergenova keshe Tırana tórinde moldovalyq, sodan soń cheh jáne mońǵolııalyq qarsylaspen kúsh synasyp, jeńiske jetken.
Jámıla Baqbergenovanyń jeke jattyqtyrýshysy — Nursultan Temirov.
