Tórehan Sabyrhan jastar arasynda álem chempıony atandy

Bokstan Býdva (Montenegro) qalasynda ótip jatqan jastar arasyndaǵy álem chempıonatynda el qorjynyna alǵashqy altyn júlde tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Atap aıtsaq, 67 kg salmaqta Tórehan Sabyrhan fınaldaǵy jekpe-jekte Kýba boksshysy Devıd Espınosany 4:1 esebimen jeńdi. Eki boksshy bıyl naýryz aıynda jastar arasynda ótken Álem kýbogynda da kezdesip, otadasymyz basym túsken edi. Osy joly da Sabyrhan Bostandyq eliniń boksshysynan aılasyn asyrdy.

Tórehan Sabyrhannyń bıylǵy jyly qatysqan jarystary:

Altyn medal – jastar arasynda álem chempıonaty

Altyn júlde – «Eýrazııa kýbogy» halyqaralyq týrnıri

Altyn medal – Muhtarhan Dildábekovtiń júldesi úshin halyqaralyq týrnır

Altyn júlde – jastar arasynda Azııa chempıonaty

Altyn medal – jastar arasynda Álem kýbogy

Osylaısha, Parıj Olımpıadasyna barýǵa úmitti bolǵan Tórehan Sabyrhan jastar sanatynda ádemi núkte qoıdy.