رىباكينا گەرمانيامەن ماتچتا قازاقستاندى العا شىعاردى

اۋستراليانىڭ پەرت قالاسىندا قازاقستان قۇراماسى United Cup ءتۋرنيرىنىڭ شيرەك فينالىندا بىلتىرعى چەمپيون گەرمانيامەن وينادى، دەپ حابارلادى قازاقستان تەننيس فەدەراتسياسى.

العاشقى ويىندا الەمنىڭ 6-راكەتكاسى ەلەنا رىباكينا دۇنيەجۇزىلىك رەيتينگىدە 80-ورىندا تۇرعان لاۋرا زيگەمۋندپەن كۇش سىناستى.

ءبىرىنشى پارتيادا ەسەپ 3:2 بولعان كەزدە رىباكينا برەيك جاساپ، ەسەپتى 4:2 ەتتى. سەت بىتكەنشە سول باسىمدىلىعىنان ايىرىلعان جوق. ەسەپ — 6:3.

ەكىنشى سەتتە رىباكينا 2:1 ەسەبىمەن تاعى دا العا شىقتى. تاعى ءبىر برەيك. ەسەپ – 4:1. سوسىن ماتچتى 6:1 جاساپ، تاعى ءبىر برەيكپەن اياقتادى.

وسىلايشا، ەلەنا رىباكينا قازاقستاندى 1:0 ەسەبىمەن العا شىعاردى.

بۇدان كەيىن رەيتينگىدە 78-ساتىداعى الەكساندر شەۆچەنكو الەمنىڭ 254 راكەتكاسى دانيەل مازۋرمەن كورتقا شىعادى.