Aq Azıada aıaqtaldy

Qytaıdyń Harbın qalasynda uıymdastyrylǵan IX qysqy Azııa oıyndary máresine jetti, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Bıylǵy aq Azıadada Qazaqstan quramasy 4 altyn, 9 kúmis, 7 qola júlde oljalap, jalpykomandalyq esepte 4-orynǵa turaqtady. El qorjynyna altyn júldeni bıatlonnan jekeleı synda óner kórsetken Vladıslav Kıreev, frıstaıl-akrobatıkadan sınhrondy sekirýden, short-trekten jáne hokkeıden erler quramasy saldy.

Kúmis júldeni bıatlonshy Vadım Kýralas pen estafetada Qazaqstan erler quramasy, frıstaıl-akrobatıkadan aralas qurama, shańǵydan Konstantın Bortov pen áıelder quramasy, short-trekten áıelder jáne aralas qurama, konkımen júgirýden Evgenıı Koshkın jáne shaıbaly hokkeıden áıelder quramasy jeńip aldy.

Al konkımen júgirýden áıelder quramasy, mánerlep syrǵanaýshy Mıhaıl Shaıdorov, shańǵyshy Oljas Klımın, shańǵydan erler quramasy, frıstaıl-akrobatıkadan Aıana Joldas pen áıelder quramasy jáne bıatlonnan áıelder quramasy Azıadanyń qola júldegeri atandy.

Qysqy Azııa oıyndarynda Qazaqstan quramasynyń 137 atleti 6 sport túrinen 10 dısıplınada synǵa tústi. Harbındegi dúbirli dodada jalpy 9 eldiń sportshylary júldegerler qatarynan kórindi.

Kelesi qysqy Azııa oıyndary 2029 jyly Saýd Arabııasynda ótedi.