Rybakına WTA 1000 týrnıriniń shırek fınalyna shyqty

Álemniń jetinshi raketkasy Elena Rybakına Dýbaıda (BAÁ) ótip jatqan WTA 1000 týrnırin sátti bastady, dep habarlady Qazaqstan tennıs federaııasy.

Ol jarysty ekinshi aınalymnan bastap, álem reıtınginde 62-orynda turǵan japonııalyq Moıýkı Ýtıdzımany 6:3, 6:2 esebimen jeńdi. Osydan keıin úshinshi aınalymda Ispanııanyń ókili Paýla Badosadan (10 WTA) basym tústi.

Rybakına 4:6, 7:6 (10:8), 7:6 (7:2) esebimen jeńiske jetti. Ol ekinshi settegi taı-breıkte 3:6 esebimen jeńilip jatqan edi. Alaıda tórt match-bolda basym túsip, 10:8 esebimen jeńip shyqty. Qarsylastardyń ózara kezdesýlerindegi esep 4:4 boldy.

Erteń Rybakına amerıkalyq Sofııa Kenınmen kúsh synasady. Ol osy týrnırdiń ótken jylǵy chempıony ıtalııalyq Jasmın Paolınıdi jeńgen edi.