كوركەم گيمناسشىلار ازيا چەمپيوناتىنىڭ جۇلدەسىنە تالاسادى

سينگاپۋردا كوركەم گيمناستيكادان ءوتىپ جاتقان ازيا چەمپيوناتىنىڭ العاشقى ىرىكتەۋ كۇنىندەگى توپتىق سايىستا قازاقستان قۇراماسى 5 لەنتا جاتتىعۋىندا 22.100 ۇپايمەن ەكىنشى ورىن الىپ، فينالدا فينالدا باق سىناۋعا مۇمكىندىك الدى، دەپ حابارلادى تسم سپورتتى دامىتۋ ديرەكتسياسى.

بۇل باعدارلامادا كوش باسىندا وڭتۇستىك كورەيا گيمناستتارى 23.000 ۇپايمەن تۇرسا، ال ءۇشىنشى ورىنعا وزبەكستاندىقتار (21.550) جايعاستى.

قىزدارىمىز ويداعىداي ونەر كورسەتىپ جاتىر. ەندى، ەرتەڭ دە ىرىكتەۋ جارىستارى وتەدى. ارعى كۇنگە، ياعني فينالدا وتانداستارىمىزعا ساتتىلىك تىلەيمىن. ازىرگە، ناقتى بولجاپ ايتۋ ەرتە. كوماندامىزعا سەنەمىز. ءار جاتتىعۋ، ءار قوزعالىس — كوپ ەڭبەكتىڭ جەمىسى. باستىسى — سپورتشىلارىمىز وزدەرىنىڭ  ىشكى سەنىمى مەن جيناقىلىعىن ساقتاپ، بار مۇمكىندىگىن كورسەتە الۋدا، — دەدى ءوز سوزىندە دەدى گيمناستيكا فەدەراتسياسىنىڭ باس حاتشىسى رابباني ءاشىموۆ  سپورتتى دامىتۋ ديرەكتسياسىنىڭ ءباسپاسوز قىزمەتىنە بەرگەن سۇحباتىندا.

باس جاتتىقتىرۋشى — لولا ادىلبەكوۆا.