SportPress.kz قازاقستان سپورت جاڭالىقتارى
بۇگىن ءباا-دە شاحماتتان وتكەن Sharjah Masters 2025 سۋپەر تۋرنيرىندە ءبيبىسارا اساۋباەۆا ءوزىنىڭ ءۇشىنشى گروسسمەيستەر نورماسىن ورىنداپ، العاش رەت 2 500 رەيتينگ مەجەسىنەن استى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
ءبيبىسارا اساۋباەۆا 64 گروسسمەيستەر قاتىسقان تۋرنيردە ايەلدەر اراسىندا ەڭ ۇزدىك ناتيجە كورسەتتى (28-ورىن). ول ايەلدەر اراسىندا 2024-25 جىلعى ماۋسىمداعى گران-پري جەڭىمپازى چجۋ تسزينير (2541) مەن وليمپيادا چەمپيونى ديۆيا دەشمۋحتى (2469) ارتتا قالدىردى.
ەندى تەك FIDE كەڭەسىنىڭ الداعى وتىرىسىندا رەسمي بەكىتۋ قالدى. سودان سوڭ شاحماتشى قازاق ايەلدەرى اراسىنان ەكىنشى گروسسمەيستەر (GM) اتانادى. بۇل مەجەنى باعىندىرعان تۇڭعىش شاحماتشى — جانسايا ابدۋمالىك.
