Túrkistanda Muhtarhan Dildábekovtyń júldesi úshin halyqaralyq boks týrnıri bastaldy (FOTO)

Túrkistan qalasyndaǵy «Olympic Center» sport kesheninde bokstan Sıdneı Olımpıadasynyń jáne álem chempıonatynyń kúmis júldegeri, Azııa oıyndarynyń chempıony,  Boks federaııasynyń vıe-prezıdenti Muhtarhan Qobylanbekuly Dildábekovtyń júldesine arnalǵan jastar arasyndaǵy XIII halyqaralyq týrnırdiń saltanatty ashylý rásimi ótti, dep habarlady Túrkistan oblysy ákiminiń baspasóz qyzmeti.

Is-sharada Túrkistan oblysy ákiminiń orynbasary Ertaı Altaev, Qazaqstan boks federaııasynyń prezıdenti Shahmurat Mútálip pen Sıdneı Olımpıadasynyń chempıony Ermahan Ibraımov sóz sóılep, jarysqa qatysýshy jas sportshylarǵa sáttilik tiledi.

Túrki áleminiń altyn besigi – qasıetti Túrkistan qalasyna qosh keldińizder! El prezıdenti Qasym-Jomart Kemelulynyń buqaralyq sportty damytý jónindegi bastamalary óńirde naqty júzege asýda. Búgingi týrnır – sol bastamalardyń jarqyn kórinisi. Oblysymyzdan óte talantty sportshylar kóp shyqqan. Solardyń biri – Sıdneı Olımpıadasy men Álem chempıonatynyń kúmis júldegeri – Muhtarhan Qoblanbekuly.

Búgin biz saıypqyranymyzdyń júldesine arnalǵan jastar arasyndaǵy XIII halyqaralyq týrnırde  kezdesip otyrmyz.  Búginde Túrkistan oblysynda 40 sport uıymynda 6000-ǵa jýyq jas boksshy shuǵyldanýda. Aımaqta boks qarqyndy damyp jatyr. Qatysýshylarǵa ádil, taza ári tabysty báseke tileımin! – dedi Ertaı Altaev.

Bıylǵy týrnırge Qazaqstannyń barlyq óńirlerinen, sondaı-aq Ázerbaıjan, Tájikstan, О́zbekstan men Qyrǵyzstannan, elimizdiń barlyq óńirinen kelgen 20 komanda sapynda 140-tan astam jas boksshy qatysýda. Olar 10 salmaq dárejesi boıynsha baq synap, myqtyny anyqtaıdy.

Jarystyń basty maqsaty – talantty jastardy ulttyq quramanyń sapyna 1-13 tamyz kúnderi Taılandtyń Bangkok qalasynda ótetin Azııa chempıonatyna qatysatyn úzdik sportshylardy irikteý. Jastar quramasynyń aǵa jattyqtyrýshysy Maqsat Baqtybazarovtyń aıtýynsha, týrnır jaqsy bastaldy. Boksshylar óz daıyndyqtaryn tolyqtaı kórsetýde, — delingen habarlamada.

Aýqymdy jarysty Túrkistan oblysynyń ákimdigi, Oblystyq dene shynyqtyrý jáne sport basqarmasy, sondaı-aq oblystyq №5 olımpıada rezerviniń mamandandyrylǵan balalar men jasóspirimder sport mektebi óte jaqsy uıymdastyrdy.