Taǵy bir altyn júlde! Qazaqstan sporttyq gımnastıkadan úzdik nátıje kórsetti

Ońtústik Koreıanyń Chechhon qalasynda sporttyq gımnastıkadan ótip jatqan Azııa chempıonatynda elimizdiń qorjyny taǵy bir altyn medal jáne kúmis júldemen tolyqty.

Azııa chempıonatynda Qazaqstan jasóspirimderi fınaldyq jarysta úsh medal jeńip aldy.

Roman Hegaı men Nurtan Ydyrysov at snarıadyndaǵy jattyǵýda óner kórsetti. Hegaı tóreshilerdiń sheshimimen 13.800 upaı jınasa, Ydyrysov 12.866 upaıdy qaltasyna basty. Úshinshi oryndy japonııalyq Harýtoshı Ochaı 12.666 upaımen aldy.

Sonymen birge Ydyrysov qossyryqtaǵy jattyǵýlarda eń úzdik nátıje kórsetip, 13.933 upaıǵa ıe boldy.

Jasóspirimder quramasy komandalyq kópsaıysta úshinshi oryn aldy.

Buǵan deıin Ydyrysov erkin jattyǵýdyń fınalynda óner kórsetip, segizinshi orynǵa (11.000 ball) shyqqan edi.

Jekeleı syndaǵy fınaldar áli jalǵasyp jatyr.

Dastan KENJALIN,

ASTANA