Osy kúnderi Majarstannyń astanasy — Býdapesht qalasynda kúres túrlerinen Polyák Imre & Varga János Memorial halyqaralyq týrnıri bolyp jatyr, dep habarlady Týrızm jáne sport mınıstrliginiń Sportty damytý dırekııasy.
Búgingi jarys kúnin balýan qyzdarymyz 1 kúmis, 1 qola júldemen aıaqtady. Ulttyq qurama kóshbasshysy Jámıla Baqbergenova (72 kg) fınalda Úndistan ókili Harshıta Harshıtaǵa jol berdi. Taǵy bir otandasymyz Nılýfar Raıymova (57 kg) qola medaldi ıelendi, — delingen habarlamada.
Erteń jarys jolyna Tynys Dúbek (-62 kg), Irına Kazıýlına (-68 kg) men Elmıra Syzdyqova (76 kg) shyǵady. Sonymen qatar bozkilemge grek-rım kúresiniń sheberleri kóteriledi.
Jarysqa 14 elden 99 úzdik sportshy qatysyp jatyr.