تاەكۆوندوشى سابرينا بايجىگىتوۆا جاستار اراسىندا الەم چەمپيونى اتاندى

بىرىككەن اراب امىرلىكتەرىنىڭ ءال-اين قالاسىندا تاەكۆوندودان 15-17 جاس ارالىعىنداعى جاستار اراسىندا GTF الەم چەمپيوناتى اياقتالدى. وعان الەمنىڭ 25 ەلىنەن 600-دەن استام سپورتشى قاتىستى. بۇل سىندا قازاقستان قۇراماسى ساپىندا ونەر كورسەتكەن سابرينا بايجىگىتوۆا الەم چەمپيونى اتاندى، دەپ حابارلادى استانا قالاسىنىڭ اكىمدىگى.

قازاقستان قۇراماسى بۇل جارىستا لايىقتى ونەر كورسەتتى. اتاپ ايتقاندا، استانا قالاسىنىڭ سپورتشىسى سابرينا بايجىگىتوۆا 40 كگ دەيىنگى سالماق دارەجەسىندە باق سىنادى. ول جاقسى دايىندىعىن، شەبەرلىگىن، توزىمدىلىگىن جانە جەڭىسكە دەگەن جىگەرىن كورسەتە ءبىلدى.

چەمپيوندىق اتاق ءۇشىن بولعان تارتىستى جەكپە-جەكتەردە سابرينا بايجىگىتوۆا التىن مەدالعا ءۇمىتتى وزگە ەلدەردىڭ ۇزدىك سپورتشىلارىمەن كۇش سىناستى. الايدا سەنىمدىلىك پەن ناعىز سپورتشىعا ءتان مىنەز كورسەتكەن ول فينالدا رەسەيلىك قارسىلاسىنان ايقىن باسىم ءتۇسىپ، الەم چەمپيوناتىنىڭ بارلىق كەزەڭىنەن سۇرىنبەي ءوتتى، — دەلىنگەن حابارلامادا.

جالپىكوماندالىق ەسەپ بويىنشا قازاقستان قۇراماسى الەمنىڭ ۇزدىك ءۇش كومانداسىنىڭ قاتارىنا ەنىپ، تاەكۆوندونىڭ قازاقستاندىق مەكتەبىنىڭ جاقسى دەڭگەيىن تاعى ءبىر مارتە دالەلدەدى.