SportPress.kz Qazaqstan sport jańalyqtary
Almatynyń «Qaırat» klýby 30 qyrkúıekte Chempıondar lıgasynyń toptyq kezeńinde Madrıdtiń «Real» komandasymen oınaıdy. Osy týraly QazAqparat habarlady.
Bul match Almatynyń Ortalyq stadıonynda bolady. Oıyn Astana ýaqytymen 21:45-te bastalady.
Bıletterdi qaıdan alýǵa bolady?
Aldyńǵy matchtarǵa bıletter klýbtyń resmı arnalary sanalatyn Qairat SuperApp qosymshasy, klýbtyń resmı saıty (bıletter bólimi) men Freedom SuperApp (bıletter bólimi) jáne Ticketon platformasynda satylǵan bolatyn. Bir qolǵa bes bıletten artyq berilmegen. Klýb baspasóz qyzmeti jankúıerlerge satyp alý proesin jeńildetý úshin aldyn ala tirkelýdi usynady.
Alaıda suranystyń kóp bolýyna baılanysty bıletter tez satylyp ketedi. Buǵan deıingi oıyndarǵa bıletter eki saǵatta satylǵan edi.
Keıin áleýmettik jelilerde olardy qaıta satýshylar 50-80 myń teńgege deıingi baǵamen usynǵan.
Osyǵan oraı jankúıerler GosRating.com saıtynda petıııa jarııalap, bir adamǵa eki bıletten artyq satpaý jáne JSN arqyly tekseris engizý týraly usynys bildirdi.
Qashan satylady?
Resmı satý kúni ázirge jarııalanǵan joq. Ádette bıletter matchqa 1-2 apta qalǵanda satylymǵa shyǵady. Degenmen, bul joly satylym úsh apta buryn da bastalýy múmkin.
Aqparat klýbtyń resmı arnalarynda jarııalanady. Jankúıerlerge push-habarlamalarǵa senip qalmaı, resmı arnalardy ózderi baqylap otyrý usynylady.
Baǵasy neshe teńge bolady?
Irikteý kezeńinde bıletter 1500 teńgeden bastalǵan bolatyn. Alaıda toptyq kezeńde, ásirese «Realǵa» qarsy matchqa baǵa edáýir qymbat bolýy yqtımal. Bul – matchtyń mártebesine jáne oǵan degen suranysqa baılanysty.
Qalaı satyp alynady?
Satylym bastalǵan sátte vırtýaldy kezek qurylady. Ol kezdeısoq tártippen júredi. Bos oryndar sanaýly mınýt ishinde ótip ketetindikten, jankúıerlerge jyldam áreket etý qajet.
Tólem onlaın jasalady. Bıletter elektrondy túrde beriledi.
«Qaırat» alǵash ret óz tarıhynda Chempıondar lıgasynyń toptyq kezeńine shyqty.
Almaty klýby irikteý kezeńinde Slovenııanyń «Olımpııasyn», Fınlıandııanyń «KýPS» klýbyn, Slovakııanyń «Slovanyn» jáne Shotlandııanyń «Seltıgin» jeńdi.
