US Open: Zańǵar Nurlanuly Qazaqstan tennısshileri arasynan alǵash ret jartylaı fınalǵa shyqty

17 jastaǵy tennısshi Zańǵar Nurlanuly jasóspirimder arasynda AQSh ashyq chempıonatynyń jartylaı fınalyna shyqty, dep habarlady Qazaqstan tennıs federaııasy.

Ol shırek fınalda jarystyń 13-raketkasy bolyp tirkelgen reseılik, 18 jastaǵy Tımofeı Derepaskomen oınady.

Derepasko — jasóspirimder ǵana emes, eresekter arasynda da oınap úlgergen tennısshi. Ol ATP reıtıngisinde 925-orynda tur. Al Zańǵar Nurlanuly ITF Juniors reıtınginde 54-orynda keledi.

Qazaq tennısshisi birinshi partııada 6:2, ekinshi sette 6:4 esebimen jeńdi.

Endi Zańǵar Nurlanuly fınalǵa shyǵý úshin jasóspirimder arasynda álemniń 1-raketkasy, bolgarııalyq Ivan Ivanovpen oınaıdy. Sóıtip, tennısshi jasóspirimder arasynda alǵash ret jartylaı fınalǵa shyǵyp otyr.