Dzıýdodan Azııa kýbogy: Qazaqstan quramasy tórt júlde aldy

Qytaıdyń Hanchjoý qalasynda dzıýdodan erler men áıelder arasynda Azııa kýbogy úshin jarys aıaqtaldy.

Qazaqstannyń dzıýdoshylar quramasy qurlyqtyq jarystan 1 altyn, 2 kúmis jáne 1 qola júlde aldy. Sonyń nátıjesinde jalpykomandalyq esepte úshinshi orynǵa ıe boldy.

Ulttyq quramadan Ermek Amangeldi (73 kg) kýboktyń ıegeri atansa, Tabyldy Bıgembaev (66 kg) pen Álisher Slıamjanov (90 kg) kúmis, Ulyqbek Ábilqaıyr (66 kg) qola medal aldy.

Bıylǵy dodaǵa Azııa elinen 13 qurama qatysty.

Taǵy bir jarys týraly aıtsaq, osy Indonezııanyń astanasy — Djakarta qalasynda dzıýdodan jastar arasyndaǵy Azııa chempıonaty bolyp jatyr. Ol keshe bastaldy. 14 qyrkúıekte aıaqtalady.

Dúrmekti dodaǵa elimizdiń atynan Dármen Esengeldi (60 kg), Qaırat Jeńisuly (60 kg), Álı Bolat (66 kg), Erasyl Erjanov (66 kg), Ernar Keńesqan (73 kg), Saparǵalı Salhan (81 kg), Egor Rakov (90 kg), Erasyl Nurtaza (100 kg) men Beıbarys Sultan (100 keliden asa salmaq) kúsh synasady.

Qyzdar jarysynda Ińkár Quralbaı (48 kg), Sara Shuǵaeva (52 kg), Gúlhan Shyńǵyshan (52 kg), Karına Karakenova (57 kg), Damelıa Asylhanova (63 kg), Shynar Bitimbaı (70 kg), Saltanat Ahmetova (78 kg), Kórkem Baqytbek (78 keliden asa salmaq) men Tomırıs Erǵalı (78 kg) qatysyp jatyr.

Dastan KENJALIN,

ASTANA