Erkin kúresten ÁCh: Asyljan Esengeldi men Nurqoja Qaıpanov – qola júldeger!

Búgin erkin kúresten Horvatııanyń astanasy Zagreb qalasynda ótip jatqan álem chempıonatynda Qazaqstan qorjynyna eki medal tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Ulttyq qurama sportshysy Asyljan Esengeldi (-60 kg) júlde jolynda amerıkalyq Djaksen Patrık Forresti jeńip, qola medal aldy. Otandasymyz sońǵy sekýndtarda upaı alyp, basym tústi.

Ol eki  jyl buryn osy salmaqta Albanııanyń Tırana qalasynda ótken 23 jasqa deıingi palýandar arasyndaǵy álem chempıonatynda kúmis júldeger atanǵan bolatyn.

Osydan keıin Zagreb bozkileminde Nurqoja Qaıpanov Vasıl Dıakonnan (Moldova) basym túsip, qola medal ıegeri atandy.

Nurqoja Qaıpanov úshin bul eresekter arasyndaǵy álem chempıonatynyń úshinshi medali. Ol alǵash ret 2019 jyly elimizde kúmis júlde alsa, byltyr Tırana qalasynda altynnan alqa taqqan edi.

Erteń 92 kg deıingi salmaqtaǵy Kamıl Kýrýglıev jubanysh beldesýinde kúsh synasady. Qarsylasy – Benjamın Konrad Honıs (Italııa). Sonymen qatar Rızabek Aıtmuhan (-97 kg) men Nachyn Kýýlar (-65 kg) irikteýde óner kórsetedi.