Shardarada tuńǵysh ret bir áýlettiń úsh uly álem chempıony atandy

Qazaq sporty úshin tarıhı oqıǵa! Bolgarııanyń Albena qalasynda armrestlıngten ótip jatqan álem chempıonatynda «Shardara Armsport» quramasynyń sportshylary, bir áýlettiń úsh uly qatarynan álem chempıony atandy, dep habarlady Shardara aýdany ákiminiń baspasóz qyzmeti.

Bul – aýdan ǵana emes, tutas elimiz úshin zor maqtanysh!

14 jastaǵy Beknur Ibragım jas jetkinshekter arasynda 45 kg salmaq dárejesinde álem chempıony atansa, 15 jastaǵy Azamat Ibragım 50 kg salmaqta qurmet tuǵyrynyń eń bıik satysyna kóterildi. Sonymen birge 18 jastaǵy Ádilet Ibragım 65 kg salmaqta álem chempıony ataǵyn jeńip aldy, — delingen habarlamada.

Osylaısha, Shardara aýdany tarıhynda tuńǵysh ret bir áýlettiń úsh balasy halyqaralyq deńgeıdegi bir jarysta qatarynan chempıon atanyp otyr. Bul jetistik – otbasy tárbıesiniń, qajyrly eńbektiń jáne «Shardara Armsport» mektebiniń júıeli jumysynyń naqty jemisi.

Shardara aýdanynyń ákimdigi jergilikti turǵyndardyń atynan álem chempıondaryn jáne olardyń jattyqtyrýshylaryn shyn júrekten quttyqtaı otyryp, bolashaqta da bıik belesterdi baǵyndyra berýlerine tilektestik bildiredi.