SportPress.kz قازاقستان سپورت جاڭالىقتارى
قازاقستان الەمدىك سپورت ارەناسىنداعى بەدەلىن نىعايتىپ كەلەدى. بيىلعى جىلدىڭ العاشقى سەگىز ايىندا وتاندىق سپورتشىلار 912 مەدال جەڭىپ الدى. ونىڭ ىشىندە 351-ءى – التىن، 270-ءى – كۇمىس، 291-ءى – قولا. بۇل تۋرالى تۋريزم جانە سپورت مينيسترلىگى حابارلادى.
وتانداستارىمىز مۇنداي جەتىستىككە مەملەكەتتىڭ سپورتقا جۇيەلى قولداۋىنىڭ، جاتتىقتىرۋشىلار قۇرامىنىڭ وراسان زور ەڭبەگىنىڭ، سپورت فەدەراتسيالارىنىڭ ۇيلەسىمدى جۇمىسىنىڭ ناتيجەسىندە قول جەتكىزىپ وتىر. بۇعان قوسا ۇلتتىق قۇراماعا شەتەلدىك مامانداردىڭ كەلۋى جانە جاڭا ادىستەمەلەردىڭ ەنگىزىلۋى دە ماڭىزدى ءرول اتقاردى.
بيىلعى ماۋسىمداعى نەگىزگى تاريحي جەڭىستەر:
* شورت-ترەك – قىسقى ازيا ويىندارىنداعى العاشقى التىن;
* فريستايل-موگۋل – الەم چەمپيوناتىنىڭ قولا مەدالى;
* فريستايل-اكروباتيكا (سينحروندى سەكىرۋ) – قىسقى ازيا ويىندارىنداعى العاشقى التىن;
* سەمسەرلەسۋ – الەم چەمپيوناتىنداعى العاشقى تاريحي مەدال;
* كوركەم گيمناستيكا – جاسوسپىرىمدەر اراسىنداعى الەم چەمپيوناتىنداعى العاشقى التىن;
* دزيۋدو – ايەلدەر اراسىنداعى الەم چەمپيوناتىنداعى تاريحي فينال جانە العاشقى كۇمىس مەدال;
* بوكس – World Boxing ۇيىمى اياسىنداعى العاشقى الەم چەمپيوناتىندا جالپىكوماندالىق ەسەپتە 1-ورىن;
* مانەرلەپ سىرعاناۋ – 2025 جىلعى الەم چەمپيوناتىنداعى كۇمىس مەدال;
* پارا بياتلون – الەم كۋبوگىنىڭ قورىتىندىسى بويىنشا حرۋستال گلوبۋستىڭ يەگەرى.
وتانداستارىمىز كوماندالىق سپورت تۇرلەرىندە دە ماڭىزدى جەتىستىكتەرگە قول جەتكىزدى. اتاپ ايتار بولساق، «قايرات» فۋتبول كلۋبى العاش رەت ءوز تاريحىندا چەمپيوندار ليگاسىنىڭ نەگىزگى كەزەڭىنە ءوتتى. ال فۋتزالدان «قايرات» كومانداسى ۋەفا چەمپيوندار ليگاسىنىڭ كۇمىس جۇلدەگەرى اتاندى.
سەگىز ايداعى جەتىستىكتەر – وتاندىق سپورتتىڭ قارقىندى دامىپ كەلە جاتقانىنىڭ ايقىن كورىنىسى. ەندى سپورتشىلاردى ميلان-2026 قىسقى وليمپيا ويىندارى الدىندا جاۋاپتى ماۋسىم كۇتىپ تۇر. بۇل جەڭىستەر قازاقستاننىڭ الەمدىك سپورتتاعى بەدەلىن ودان ءارى ارتتىرا تۇسەدى.
