SportPress.kz Qazaqstan sport jańalyqtary
Sıngapýrde ótip jatqan para júzýden álem chempıonatynda Nurdáýlet Jumaǵalı brass ádisimen júzýde 100 metr qashyqtyqty 1:06.64 sekýndta júzip ótip, kúmis júldeni ıelendi, dep habarlady Týrızm jáne sport mınıstrligi.
Vedomstvonyń habarlaýynsha, birinshi oryn beıtarap el atynan qatysqan sportshy Tımofeı Gýkqa buıyrsa, úshin oryndy ýkraındyq Fedına Alekseı ıelendi.
Bul – Nurdaýlet Jumaǵalıdiń álem chempıonatyndaǵy úshinshi kúmis júldesi. Buǵan deıin ol 2022 jyly Medeırada jáne 2023 jyly Manchesterde alǵan edi.
Dúbirli dodada elimizdiń atynan 7 sportshy baq synap jatyr. 21-27 qyrkúıek aralyǵynda ótetin sporttyq básekege 75 memleketten 600-ge jýyq sportshy keldi.
Nurdáýlet Jumaǵalı 1999 jyly týǵan. 2020 jyly Tokıo Olımpıadasynda 100 metrge brass ádisimen júzýde qola alsa, 2024 jyly Parıjdegi saıysta Olımpıadanyń kúmis júldesin ıelendi.
