شاحماتشى كسەنيا بالاباەۆا – راپيدتەن الەم چەمپيونى!

پەرۋءدىڭ استاناسى ليما قالاسىندا ءوتىپ جاتقان شاحماتتان 20 جاسقا دەيىنگى جاسوسپىرىمدەر اراسىنداعى الەم چەمپيوناتىندا (راپيد بويىنشا) كسەنيا بالاباەۆا جەڭىسكە جەتتى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

19 جاستاعى وتانداسىمىز الەم چەمپيوناتىنىڭ 9-تۋرىنان كەيىن 7 ۇپاي جيناپ، ەڭ ۇزدىك ناتيجە كورسەتتى.

جارىس شۆەيتسار جۇيەسى بويىنشا 15+10 ۋاقىت باقىلاۋىمەن ء(ار ويىنعا 15 مينۋت جانە ءار جۇرىسكە 10 سەكۋند قوسىلادى) وتكىزىلدى. بالاباەۆا ەكىنشى جارىس كۇنىنەن كەيىن 5 ۇپايمەن كوش باستاپ تۇرعان. جارىستىڭ سوڭعى كۇنىن كسەنيا 47-ءشى جۇرىستە ۋميدا ومونوۆاعا مات قويىپ، جەڭىسكە جەتتى. كەيىن اننا جۋروۆا جانە افرۋزا حامداموۆامەن تەڭ ويناپ، 1-ورىندى مەرزىمىنەن بۇرىن قامتاماسىز ەتتى، — دەلىنگەن حابارلامادا.

كسەنيا بالاباەۆا – قازاقستاننىڭ ەرەسەكتەر اراسىنداعى ايەلدەر قۇراماسىنىڭ مۇشەسى. 2024 جىلى بۋداپەشتە وتكەن شاحمات وليمپياداسىندا كۇمىس مەدال العان. وسى جارىستا ەل نامىسىن ليا قۇرمانعاليەۆا مەن ءامينا قايىربەكوۆا قورعادى. ءامينا 6 ۇپاي جيناپ 7-ورىنعا يە بولسا، ليا 5 ۇپايمەن 12-ورىندا مارەگە جەتتى.

2025 جىلعى الەم چەمپيوناتى (راپيد، G20)

1. WGM كسەنيا بالاباەۆا (2287) – 7 ۇپاي;
2. WIM افرۋزا حامداموۆا (2384، وزبەكستان) – 6½;
3. WFM ۆارۆارا پولياكوۆا (2065، FIDE) – 6½;
4. WFM اننا جۋروۆا (2189، FIDE) – 6½;
5. WIM ۋميدا ومونوۆا (2265، وزبەكستان) – 6;