Shahmatshy Ksenııa Balabaeva – rapıdten álem chempıony!

Perýdiń astanasy Lıma qalasynda ótip jatqan shahmattan 20 jasqa deıingi jasóspirimder arasyndaǵy álem chempıonatynda (rapıd boıynsha) Ksenııa Balabaeva jeńiske jetti, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

19 jastaǵy otandasymyz álem chempıonatynyń 9-týrynan keıin 7 upaı jınap, eń úzdik nátıje kórsetti.

Jarys shveıar júıesi boıynsha 15+10 ýaqyt baqylaýymen (ár oıynǵa 15 mınýt jáne ár júriske 10 sekýnd qosylady) ótkizildi. Balabaeva ekinshi jarys kúninen keıin 5 upaımen kósh bastap turǵan. Jarystyń sońǵy kúnin Ksenııa 47-shi júriste Ýmıda Omonovaǵa mat qoıyp, jeńiske jetti. Keıin Anna Jýrova jáne Afrýza Hamdamovamen teń oınap, 1-oryndy merziminen buryn qamtamasyz etti, — delingen habarlamada.

Ksenııa Balabaeva – Qazaqstannyń eresekter arasyndaǵy áıelder quramasynyń múshesi. 2024 jyly Býdapeshte ótken shahmat Olımpıadasynda kúmis medal alǵan. Osy jarysta el namysyn Lııa Qurmanǵalıeva men Ámına Qaıyrbekova qorǵady. Ámına 6 upaı jınap 7-orynǵa ıe bolsa, Lııa 5 upaımen 12-orynda márege jetti.

2025 jylǵy álem chempıonaty (rapıd, G20)

1. WGM Ksenııa Balabaeva (2287) – 7 upaı;
2. WIM Afrýza Hamdamova (2384, О́zbekstan) – 6½;
3. WFM Varvara Polıakova (2065, FIDE) – 6½;
4. WFM Anna Jýrova (2189, FIDE) – 6½;
5. WIM Ýmıda Omonova (2265, О́zbekstan) – 6;