SportPress.kz Qazaqstan sport jańalyqtary
Ádilbek Mýsın sýǵa júzýden Úndistannyń Ahmedabad qalasynda ótip jatqan Azııa chempıonatynda qurmet tuǵyrynyń eń bıik satysyna kóterildi.
Ol 50 metrge batterflıaı ádisimen júzýde 23.74 nátıjesimen márege jetip, altyn medaldi jeńip aldy. Fınalda taǵy bir otandasymyz Maksım Skazobov (23.90) úshinshi orynǵa taban tiredi.
Osy baǵdarlama boıynsha áıelder arasynda ótken jarysta Sofııa Ábýbákirova ekinshi oryn alsa, Sofıa Spodarenko máre syzyǵyn úshinshi bolyp kesti.
Jarysta Ádilbek Mýsın, Ǵalymjan Balabek, Sofıa Spodarenko men Sofııa Ábýbákirova 4h100 metrge erkin stılde júzýden aralas estafetada úshinshi orynǵa ıe boldy.
Olar 3:35.36 nátıjesimen máre syzyǵyn kesip, Qazaqstan rekordyn jańartty.
Dastan KENJALIN,
ASTANA
