دانا ءابدىروۆا مەن الان قۇرمانعاليەۆ — جۇلدەگەر!

پەرۋدىڭ استاناسى ليما قالاسىندا دزيۋدودان جاستار اراسىندا ءوتىپ جاتقان الەم چەمپيوناتىندا 57 كەلىگە دەيىنگى سالماقتا باق سىناعان دانا ءابدىروۆا كۇمىس جۇلدەگە يە بولدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

ول ايەلدەر اراسىندا فينالعا دەيىن جەتىپ، شەشۋشى بەلدەسۋدە جاپونيالىق ميو شيروكانەگە ەسە جىبەردى.

الەم چەمپيوناتى 8 قازاندا اياقتالادى.

ۇستەل تەننيسىنەن قازاقستان قۇراماسىنىڭ وكىلى الان قۇرمانعاليەۆ قىتايدىڭ بەيجىڭ قالاسىندا ءوتىپ جاتقان China Youth Smash تۋرنيرىندە قولا جۇلدەنى يەلەندى.

الان قۇرمانعاليەۆ جارىستىڭ جارتىلاي فينالىنا دەيىن جەتىپ، جاستار اراسىندا ەكى دۇركىن الەم چەمپيونى قىتايلىق ۆەن جۋيبومەن وينادى.

بۇل ماتچ 4:0 ەسەبىمەن قارسىلاستىڭ پايداسىنا اياقتالدى.

1/4 فينالدا قۇرمانعاليەۆ جاستار اراسىندا الەم چەمپيونى لي حەچەندى 4:3 ەسەبىمەن جەڭگەن بولاتىن.