Dana Ábdirova men Alan Qurmanǵalıev — júldeger!

Perýdiń astanasy Lıma qalasynda dzıýdodan jastar arasynda ótip jatqan álem chempıonatynda 57 kelige deıingi salmaqta baq synaǵan Dana Ábdirova kúmis júldege ıe boldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Ol áıelder arasynda fınalǵa deıin jetip, sheshýshi beldesýde japonııalyq Mıo Shırokanege ese jiberdi.

Álem chempıonaty 8 qazanda aıaqtalady.

Ústel tennısinen Qazaqstan quramasynyń ókili Alan Qurmanǵalıev Qytaıdyń Beıjiń qalasynda ótip jatqan China Youth Smash týrnırinde qola júldeni ıelendi.

Alan Qurmanǵalıev jarystyń jartylaı fınalyna deıin jetip, jastar arasynda eki dúrkin álem chempıony qytaılyq Ven Jýıbomen oınady.

Bul match 4:0 esebimen qarsylastyń paıdasyna aıaqtaldy.

1/4 fınalda Qurmanǵalıev jastar arasynda álem chempıony Lı Hechendi 4:3 esebimen jeńgen bolatyn.