Qazaqstan Azııa chempıonatynda 11 medal jeńip aldy

Búgin Úndistanda sý sporty túrlerinen Azııa chempıonatynda kórkem júzýden sońǵy júlde jıyntyǵy sarapqa salyndy, dep habarlady Týrızm jáne sport mınıstrliginiń Sportty damytý dırekııasy.

Komandalyq akrobatıka básekesinde Qazaqstan quramasy qarsylas shaq keltirmeı, úzdik atandy.

Bul synda el namysyn Karına Magrýpova, Nargıza Bolatova, Ksenııa Makarova, Áıgerim Qurmanǵalıeva, Anna Pavleova, Valerııa Stolbýnova, Jaklın Iakımova men Vıktor Drýzın qorǵady.

Barlyq jarys kúnderiniń qorytyndysy boıynsha Qazaqstan kórkem júzýden jalpy 11 medal jeńip aldy. Atap aıtsaq, jeti altyn, eki kúmis jáne eki qola medal bar. Osylaısha, otandastyrymyz Azııa chempıonatynyń jalpykomandalyq esebinde birinshi oryndy ıelendi.

Búgin kórkem júzýden jarystyń sońǵy kúni Daıana Djamanchalova men Iasmın Tuıaqova juby erkin baǵdarlamada kúmis medal jeńip aldy.