Akademııalyq eskek esýden ACh: Qazaqstan qorjyny bes júldemen tolyqty

Búgin Vetnamnyń Haıfon qalasynda akademııalyq eskek esýden eresekter arasyndaǵy Azııa chempıonaty aıaqtaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Qazaqstan quramasy jarysta 2 kúmis, 3 qola júldege ıe boldy. Sheshýshi jarys kúni sportshylarymyz 3 márte tuǵyr satysyna kóterildi.

Kúmis medal – 2000 metrge áıelder arasynda jetekshisi bar 8 sportshy (W8+). Komanda quramy – Medına Qońyrbaeva, Varvara Belonogova, Anjela Polıanına, Anastasııa Kýlınıch, Melanı Jakýpova, Ekaterına Noskova, Tamara Pervýshkına, Valentına Volkodavova, Marııa Lebedeva.

Qola júlde – 2000 metrge áıelder arasynda jeńil salmaqtaǵy sportshy – Marııa Cherne.

Qola medal – 2000 metrge erler arasyndaǵy juptyq syn – Vladıslav Iakovlev, Ivan Chernýhın.

Keshe alǵashqy fınal kúni Qazaqstan qorjynyna 2 júlde túsken.

Kúmis júlde – 2000 metrge áıelder arasynda jeńil salmaqtaǵy 4 sportshy. Komanda quramy – Roza Keńes, Marııa Cherne, Ekaterına Noskova, Irına Chýdına.

Qola medal – 2000 metrge erler arasynda jeńil salmaqtaǵy sportshy – Artıom Matýsevıch.

Bıyl qurlyqtaǵy 18 elden jınalǵan 232 eskek esý sheberi júldege talasty.