كاراتەدەن ءاچ: سوفيا بەرۋلتسەۆا – كۇمىس جۇلدەگەر!

ۇلتتىق قۇرامانىڭ كوشباسشىسى سوفيا بەرۋلتسەۆا كاير قالاسىندا ءوتىپ جاتقان جەكەلەي سىنداعى الەم چەمپيوناتىندا ەكىنشى ورىن الدى، دەپ حابارلادى تۋريزم جانە جانە مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

وتانداسىمىز +68 كگ سالماقتىڭ فينالىندا گەرمانيا سپورتشىسى يوحاننا كولەنو كنيرمەن كۇش سىناستى. تارتىستى جەكپە-جەكتە قارسىلاس باسىم ءتۇستى.

وسىعان قاراماستان سوفيا بەرۋلتسەۆا قازاق سپورتى تاريحىنداعى ەڭ تابىستى كاراتە شەبەرىنىڭ ءبىرى بولىپ قالا بەرەدى.

ونىڭ جەتىستىكتەرى:

جاستار اراسىنداعى ازيا چەمپيوناتى (2016 ج) – التىن مەدال

جاستار اراسىنداعى الەم چەمپيوناتى (2017 ج) – التىن جۇلدە

ازيا چەمپيوناتى (2019 ج) – كۇمىس مەدال

توكيو وليمپياداسى (2021 ج) – قولا جۇلدە

دۇنيەجۇزىلىك ويىندار (2022 ج) – التىن مەدال

يسلام ىنتىماقتاستىعى ويىندارى (2022 ج) – التىن جۇلدە

جازعى ازيا ويىندارى (2023 ج) – التىن مەدال

ازيا چەمپيوناتى (2025 ج) – التىن جۇلدە

ەرەسەكتەر اراسىنداعى الەم چەمپيوناتى (2025 ج) – كۇمىس مەدال

قازاقستان كومانداسى مىسىرداعى جارىستى 1 كۇمىس، 2 قولا مەدالمەن اياقتادى. 27-الەم چەمپيوناتىندا ۇلتتىق قۇراما ساپىندا كۋميتە باعدارلاماسىندا 8 سپورتشى (4 ەر، 4 ايەل) سىنعا ءتۇستى.

WKF كاراتە ەلىمىزدە بۇقارالىق سيپات العان سپورت ءتۇرىنىڭ قاتارىندا. بۇگىندە مەملەكەت تاراپىنان بارلىق جاعداي جاسالىپ كەلەدى ءارى بيىل تۋريزم جانە سپورت مينيسترلىگى بەكىتكەن جوعارى جەتىستىكتەر سپورتى تۇرلەرىنىڭ تىزىمىنە ەندى. WKF كاراتە ازيا ويىندارى، دۇنيەجۇزىلىك ويىندار، يسلام ىنتىماقتاستىعى جانە تمد ەلدەرى ويىندارى سىندى كوپتەگەن كەشەندى جارىستىڭ باعدارلاماسىندا بار.