Konkımen júgirý: Qazaqstan qorjyny 6 altyn, 1 kúmis júldemen tolyqty

Germanııanyń Inell qalasynda  konkımen júgirýden ótken jasóspirimder arasyndaǵy álem chempıonatynda Qazaqstan quramasy alty altyn, bir kúmis medal jeńip alyp, jalpy jeti júldemen jarysty qorytyndylady, dep habarlady  Týrızm jáne sport mınıstrligi Sportty damytý dırekııasynyń baspasóz qyzmeti.

Álem chempıonatynyń sońǵy jarys kúninde altynshy altyn medaldi qorjynǵa Vadım Chebardakov saldy. Ol mass-start básekesinde qarsylastaryna des bermeı, 5:29.87 nátıjemen máre syzyǵyn birinshi bolyp kesti. Otandasymyz jarysta 34 sprınterlik upaı jınap, chempıon atandy.

Komanda kóshbasshylarynyń biri Krıstına Shýmekova úsh birdeı qashyqtyqta ıaǵnı 500, 1000 jáne 1500 metrde altyn júlde ıelendi. Sondaı-aq ol kishi kópsaıys qorytyndysy boıynsha da úzdik dep tanyldy. Buǵan qosa, 3000 metrde kúmis medal jeńip alyp, jeke kórsetkishin tolyqtyrdy.

Áıelder quramasy komandalyq sprıntte de bıikten kórindi. Bul saıysta el namysyn Krıstına Shýmekova, Anastasııa Belovodova jáne Varvara Glýhova qorǵap, qarsylastaryn artta qaldyrdy.

Osylaısha, otandastarymyz álemdik arenada óz áleýetin taǵy bir márte dáleldep, el mereıin ústem etti.