TOP-5: Qazaqstan kúresten úzdik bes eldiń qatarynda

Ázerbaıjannyń astanasy Baký qalasynda 17 jasqa deıingi sportshylar arasynda ótken álem chempıonatynyń qorytyndysy boıynsha Qazaqstan quramasy kúresten álemniń úzdik elderiniń qataryna qosyldy.

Qazaqstan kúres federaııasynyń habarlaýynsha, ulttyq quramanyń balýandary grek-rım, erkin jáne áıelder kúresiniń nátıjesi boıynsha 225 upaı jınady.

Qolda bar málimetke qaraǵanda, Reseı sportshylary jalpy esepte 305 upaımen birinshi oryn alsa, AQSh 294 upaımen ekinshi, Úndistan 250 upaımen úshinshi, Iran 231 upaımen tórtinshi oryndy ıelendi.

-Qazaqstan 225 upaımen besinshi satydan kórinip, О́zbekstan, Ýkraına, Japonııa, Ázerbaıjan men Túrkııa quramalaryn artta qaldyrdy. Bul kórsetkish Qazaqstandy Azııanyń úzdik úsh quramasynyń qataryna qosty. Qurlyq elderi arasynda ulttyq qurama komanda Úndistan men Irannan keıingi úshinshi nátıjeni kórsetti. Al Ortalyq Azııa memleketteri arasynda birinshi orynǵa ıe boldy, — delingen Kúres federaııasynyń habarlamasynda.

Baký bozkileminde Qazaqstan balýandary 2 altyn, 2 kúmis jáne 4 qola medal jeńip aldy. Atap aıtqanda, Dııar Amanáli (55 kg) men Baqdáýlet Aǵabek (48 kg) álem chempıony atansa, Álı Almas (48 kg) pen Aısha Ábdimálik (65 kg) kúmis júldege ıe boldy. Al Álınur Tóleýǵalı (71 kg), Injý Baqqoja (46 kg), Mardan Orynbasar (60 kg) men Ádilet Rysbaı (71 kg) qola medal ıelendi.

Qazaqstan quramasynyń alǵashqy altyn júldesin grek-rım kúresinen 55 kıloǵa deıingi salmaqta kúsh synasqan Dııar Amanáli jeńip aldy. Ol fınalǵa deıin tórt qarsylasyn joldan shyǵaryp, fınalda Majarstannyń ókili Keve Vazýl Kovachpen beldesti. Bul beldesýde ár upaıdyń salmaǵy artyp, kúres 1:1 esebimen aıaqtaldy.

Bozkilemde qazaq balýany birinshi bolyp nátıjeli ádis istedi. Sóıtip, ol UWW erejesine sáıkes, jeńiske jetti. Onyń fınalǵa deıingi jolynda da osal beldesý bolǵan joq. Dııar Amanáli irikteý kezeńinde Grekııanyń ókilin 8:0 esebimen jeńip, odan keıin Reseı men Grýzııa balýandarynan 3:1 jáne 2:1 esebimen basym tústi.

Jartylaı fınalda bolgarııalyq Danımır Iordanovty 8:1 esebimen jeńip, altyn júlde úshin kúresýge múmkindik aldy.

Álem chempıonatyndaǵy ekinshi altyn medal erkin kúresten buıyrdy. 48 kıloǵa deıingi salmaqta synǵa túsken Baqdáýlet Aǵabek bes ret kúresip, sonyń barlyǵyn jeńispen aıaqtady. Ol jartylaı fınalda О́zbekstannyń ókili Farrýh Mahmýdovty 7:3 esebimen jeńip, fınalda Úndistannyń balýanmen Aarıanmen kúresti.  Baqdáýlet Aǵabek fınaldaǵy esepti 10:0-ge jetkizip, beldesýdi merziminen buryn aıaqtady.

-Qazaqstan erkin kúresinen U17 álem chempıonatynda 2022 jyldan beri altyn júldeni ala almaı kelgen edi. Baqdáýlet Aǵabek tórt jyldan keıin qazaq kúresine altyn medal syılady. Ol byltyr  álem chempıonatynda besinshi oryn alsa, bıyl jas balýan jańa salmaqta bes beldesýdiń barlyǵyn jeńip, álem chempıony atandy.

Qalǵan alty júlde de quramanyń jalpykomandalyq esebine úles qosty. Grek-rım kúresinen Álı Almas (48 kg) kúmis, Álınur Tóleýǵalı (71 kg) qola júlde aldy. Áıelder kúresinde Aısha Ábdimálik (65 kg) fınalǵa deıin jetip, kúmis medal ıelense, Injý Baqqoja (46 kg) álem birinshiliginde ekinshi jyl qatarynan júldeger atandy. Erkin kúresten Mardan Orynbasar (60 kg) men Ádilet Rysbaı (71 kg) qola júldege qol jetkizdi, — dep habarlady Qazaqstan kúres federaııasy.

Statıstıkaǵa qaraǵanda, byltyr Qazaqstan quramasynyń esebinde bir altyn, eki kúmis jáne jeti qola medal bolǵan edi. Al bıyl kúrestegi nátıje jaqsaryp, qazaqtyń tórt balýany fınalǵa shyqty.

Qazaqstannyń kúres federaııasynyń tóraǵasy Erkin Oqasovtyń aıtýynsha, erkin kúreste byltyrǵy úsh qola júldeniń ornyna bıyl bir altyn men eki qola buıyrdy. Áıelder kúresinde eki júldelik kórsetkish saqtalyp, onyń biri kúmis medalǵa aınaldy. Al grek-rım quramasy bir altyn, bir kúmis jáne bir qola medal ıelenip, júldeniń úsh túrinen de nátıje kórsetti.

Bul jetistikter jasóspirimder quramasyn júıeli daıarlaý men sportshylarǵa qajetti jaǵdaı jasaý baǵytyndaǵy jumystyń nátıjesi ekeni sózsiz.  Bz balýandar Bakýge attanǵaly jatqan kezde de jastar quramasynyń daıyndyǵyn kúsheıtý men olardyń áleýetin tolyq ashý federaııa jumysynyń negizgi mindetteriniń biri ekenin aıttyq.

-Ulttyq quramanyń halyqaralyq dodalarǵa jaqsy daıyndalýyna federaııa tarapynan turaqty qoldaý kórsetilip keledi. U17 álem chempıonaty aıasynda da oqý-jattyǵý jıyndaryn ótkizýge, medıınalyq qoldaýǵa jáne sportshylarǵa qajetti jaǵdaı jasaýǵa basymdyq berildi. Ár júldeniń artynda balýandardyń tabandy eńbegi, jattyqtyrýshylardyń mańdaı teri men júıeli daıyndyq tur. Biz jas sportshylardy qoldaýdy, olardyń sheberligin shyńdaýǵa qajetti múmkindikter jasaýdy jáne halyqaralyq arenadaǵy básekege qabiletin arttyrýdy jalǵastyramyz, – degen edi balýandarǵa sát sapar tilegen kezde Erkin Qadyrǵalıuly.

Jalpy aıtqanda, Ázerbaıjandaǵy álem chempıonaty Qazaqstan jasóspirimder quramasynyń jekelegen salmaqtarda ǵana emes, úsh kúres túriniń jıyntyq nátıjesi boıynsha da álemdik básekege daıyn ekenin kórsetti.

-Qos altyn medal, tórt fınal men jalpykomandalyq eseptegi besinshi oryn atqarylǵan jumystyń naqty nátıjesi. Endigi mindet – osy qarqyndy saqtap, altyn júldege talasatyn salmaqtardyń qataryn arttyrý, — dep habarlady Qazaqstan kúres federaııasy.