Elena Rybakına US Open-2026 chempıony atandy

Qazaqstannyń áıelder arasyndaǵy jekeleı syndaǵy birinshi raketkasy Elena Rybakına Nıý-Iorkte 2026 jylǵy AQSh ashyq chempıonatyn jeńip aldy.

Ol US Open týrnıriniń fınalynda Belarýs ókili Arına Sobolenkomen oınap,  6:4, 5:7, 6:2 esebimen jeńiske jetti.

Tennısshiler kortta 2 saǵat 23 mınýt oınady. Osy ýaqytta Rybakına 12 eıs jasady.  12 breık-poınttyń úsheýin sátti paıdalandy.

Osylaısha, Rybakına mansabynda alǵash ret US Open chempıony atanyp, «Úlken dýlyǵa» týrnırlerindegi úshinshi chempıondyq ataqty jeńip aldy.  Osy sanattaǵy alǵashqy júldesin otandasymyz 2022 jyly Ýımbldonda jeńip alǵan edi. Bıylǵy jyldyń basynda Rybakına Australian Open chempıony atansa, endi óz júldeler toptamasyn AQSh ashyq chempıonatynyń tıtýlymen tolyqtyrdy.

Qazaqstan tennıs federaııasynyń prezıdenti Bolat О́temuratov Elena Rybakınany tarıhı jetistigimen quttyqtady.

«Bul — Elenanyń orasan zor jeńisi ári Qazaqstan tennısi úshin tarıhı kún. Elenaǵa taǵy da bar kúsh-jigerin salyp, álemdegi eń iri tennıs arenalarynyń birinde eń joǵary deńgeıdegi oıyn kórsetkeni úshin alǵys aıtamyn.

Elena elimizdegi tennıstiń tabysty damýyn jarqyn túrde kórsetip keledi. Onyń álemdik tennıstiń eń bıik shyńyna kóterilýi qazaqstandyq jas tennısshiler úshin úlken shabyt kózi bolatyny sózsiz. Biz óz tarapymyzdan olardy aldaǵy ýaqytta da jan-jaqty qoldaýdy jalǵastyramyz», dedi Bolat О́temuratov.

US Open týrnırindegi jeńis Rybakınanyń 2026 jylǵy maýsymdaǵy taǵy bir tarıhı jetistigi boldy. Týrnır qorytyndysy boıynsha tennısshi mansabynda alǵash ret WTA álemdik reıtınginiń kóshin bastaıdy.

Dastan KENJALIN,

ASTANA