قايرات ءساتجانوۆ: «بيىلعى دودادا ەسە قايتارامىز»

يوردانيانىڭ استاناسى اممان قالاسىندا وتەتىن بوكستان ازيا چەمپيوناتىنا ايەلدەر قۇراماسىنىڭ ءىزىن الا قازاقستان ەرلەر كومانداسى دا اتتاندى.

ۇلتتىق قۇرامانىڭ باس جاتتىقتىرۋشىسى قايرات سəتجانوۆتىڭ شəكىرتتەرى الماتى وبلىسىنىڭ بايتەرەك اۋىلىنداعى ورتالىقتا وقۋ-جاتتىعۋ جيىنىن وتكىزىپ، شەشۋشى جەكپە-جەكتەرگە دايىندىقتى اياقتادى.

وسى تۇستا كەي سالماقتاردا بəسەكەلەستىك وتە جوعارى بولعانى سونشا، كىمنىڭ باراتىنىن انىقتاۋ قيىن بولعان ەكەن. ماسەلەن، باپكەرلەرگە 63،5 كەلىدە «ەلوردا كۋبوگى» حالىقارالىق ءتۋرنيرىنىڭ جۇلدەگەرلەرى — مۇحامەدسابىر بازارباي ۇلى، ءساناتəلى تولتاەۆ پەن سۇلتان مۋسين اراسىنان تەك بىرەۋىن تاڭداۋى كەرەك بولدى. ال 75 كگ دەيىنگى سالماقتا ەل چەمپيونى نۇرقانات رايىسقا تəجىريبەلى تۇرسىنباي قۇلاحمەت پەن جاس تا بولسا كوزگە ءتۇسىپ جۇرگەن تيمۋر نۇرسەيىتوۆ پەن دياس نۇرجىگىتوۆ تەگەۋرىندى قارسىلىق كورسەتتى.

ەندى بارلىق ماسەلە شەشىلىپ، امماندا وتەتىن ازيا چەمپيوناتىندا قولعاپ تۇيىستىرەتىن بوكسشىلار جولعا شىقتى.

دايىندىق وتە جاقسى بولدى. مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى، سپورتتى دامىتۋ ديرەكتسياسى مەن قازاقستان بوكس فەدەراتسياسىنىڭ ارقاسىندا بəسەكە قارساڭىندا ەشقانداي قيىندىق بولعان جوق. بوكس ەلىمىزدە كەڭ تانىلعان، ۇنەمى جانكۇيەرلەر نازارىندا بولاتىن سپورت ءتۇرى. ۇلتتىق قۇرامانىڭ ازيا چەمپيوناتىنداعى ناتيجەسىن قوعامنىڭ قالاي تالقىلاپ، سىنعا العانى ءəلى ەسىمىزدە. دۋبايدا ەرلەر قۇراماسى التىن جۇلدەسىز قالعانىن بىلەسىزدەر. بيىل ءبىز ەسە قايتارعىمىز كەلەدى. ماقسات — جالپى ەسەپتە كوش باستاۋ، — دەدى كوماندانىڭ باس جاتتىقتىرۋشىسى قايرات سəتجانوۆ.

بوكستان XXXII ازيا چەمپيوناتى 30 قازان مەن 13 قاراشا ارالىعىندا وتەدى. ەرلەر 13 سالماقتا، ال əيەلدەر 12 سالماقتا مىقتىنى انىقتايدى. سارى قۇرلىق دوداسىن ادەتتەگىدەي ازيا بوكس كونفەدەراتسياسى (ASBC) حالىقارالىق بوكس قاۋىمداستىعىنىڭ (IBA) ەرەجەلەرىن نەگىزگە الا وتىرىپ، ۇيىمداستىرادى.

داستان كەنجالين،

استانا