Katarda fýtboldan álem chempıonatynyń ashylý saltanaty ótti

Katardyń Ál-Haýr qalasyndaǵy «Ál-Baıt» stadıonynda fýtboldan álem chempıonatynyń saltanatty sáti bolyp ótti.

Uıymdastyrýshylardyń josparynda án áleminiń juldyzdary Dýa Lıpany nemese Shakırany saltanatqa qatystyrý bolyp edi. Alaıda, olar budan bas tartqan bolyp shyqty.

Munyń esesine, AQSh-tyń belgili akteri, «Oskar» syılyǵynyń laýreaty Morgan Frıman men Koreıanyń BTS tobynyń ánshisi Chongýk saltanattyń bas qaharmandaryna aınaldy.

Týrnırdiń boıtumary arabtyń dástúrli bas kıimi – kýfıı bolyp jarııalandy. Stadıonda onyń da kórinis tapqan kezi kezikti.

Saltanat Katardyń ámiri Tamım bın Hamad Ál Tanıdyń quttyqtaý sózimen jáne aspanǵa otshashýlar atýmen aıaqtaldy.

Budan keıin jasyl alańǵa Katar jáne Ekvador quramalary shyqty.

Dastan KENJALIN,

ASTANA