جاس تەننيسشىلەر ITF Juniors ءتۋرنيرىنىڭ جەڭىمپازى اتاندى

استانادا «داۋلەت» تەننيس ورتالىعىندا 18 جاسقا دەيىنگىلەر اراسىندا بەسىنشى ساناتتاعى ITF Juniors ءتۋرنيرى مارەسىنە جەتتى.

قىزدار اراسىندا قازاقستاندىق ۋليانا رومانوۆا جەكەلەي سىندا ۇزدىك شىقتى.

ۋ.رومانوۆا فينالدا رەسەيلىك كسەنيا كرۋپەنينانى 6:3، 4:6، 6:2 ەسەبىمەن تىزە بۇكتىردى.

جۇپتىق سىندا ادەمى امانكەلدى مەن ساتي اۋباكىروۆا رەسەيلىكتەر كريستينا بەلكوۆا – ك.كرۋپەنينادان ايلاسىن اسىرىپ، جەڭىمپاز اتاندى. بۇل كەزدەسۋ 6:2، 6:3 ەسەبىمەن اياقتالدى.

ۇلداردان ءىلياس مارات ۇلى ءابسوليۋتتى جەڭىمپاز بولدى. ول جەكەلەي سىندا كوماندالاسى كيريلل كولگانوۆتان باسىم ءتۇستى. ەسەپ — 6:4، 6:3. ال جۇپتىق سىندا تاعى ءبىر قازاقستاندىق يليا ۆەدمەدپەن بىرگە سوڭعى باسەكەدە وتانداستارى ك.كولگانوۆ – ۆيتالي زاتسەپيندى جەڭدى. ەسەپ – 1:6، 6:1، 10:2.

داستان كەنجالين،

استانا