Aýyr atletıka: Qazaqstan ekinshi medalin jeńip aldy

Kolýmbııanyń Bogota qalasynda aýyr atletıkadan ótip jatqan álem chempıonatynda erler arasynda 96 kelige deıingi salmaq dárejesinde jarys ótti.

Osy synda Nurǵısa Ádiletuly 383 (170+209) kelini basynan asyryp, qossaıys qorytyndysy boıynsha kúmis júldege ıe boldy. Álem chempıony ataǵyn Bahreın atynan shyqqan kolýmbııalyq Lesman Paredes jeńip aldy. Ol qossaıysta 397 kelini (julqa kóterýde – 185 kg, serpe kóterýde – 212 kg) kóterip, jeńiske jetti. Qola júldeni kolýmbııalyq Djor Moreno – 380 (171 + 209) ıelendi.

Bul – Qazaqstan quramasynyń álem chempıonatyndaǵy ekinshi júldesi. Buǵan deıin Artem Chýrkın 73 kelige deıingi salmaqta qola júldeger bolǵan edi.

Dastan KENJALIN,

ASTANA