Franııa quramasy fınalǵa shyqty

Búgin Qatarda fýtboldan ótip jatqan 2022 jylǵy álem chempıonatynyń jartylaı fınalynyń ekinshi matchynda Franııa men Marokko quramalary kezdesti. Kezdesýde Franııa komandasy oıyn bastalmaı jatyp, 5-mınýtta esep ashty.

Franııa quramasynyń qorǵaýshysy Teo Ernandes akrobatıkalyq sekiris jasap, dopty Iassın Bononyń qaqpasyna soqty. Buǵan deıin bıylǵy dodada Afrıka komandasy óz qaqpasyna tek bir dopty jiberip alǵan bolatyn. Onda da Marokko quramasynyń qorǵaýshysy Naıf Ager avtogoldyń avtory atanǵan. Al Franııamen kezdesýde Marokkonyń oıynshylary qaqpalaryna taǵy bir gol jiberip aldy. Oıynnyń 80-mınýtynda franýz fýtbolynyń jaryq juldyzy Kılıan Mbappe birneshe qarsylasty aldap, qaqpaǵa jaqyndap, Kolo Mýanıge pas berdi. Al ol alǵan dopty sátti paıdalanyp, dopty torǵa týlatty. Esep – 2:0.

Negizgi ýaqytta da qosymsha berilgen 6 mınýtta da marokkolyqtar tablodaǵy esepti ózgerte almady.

Osylaısha Franııa quramasy fýtboldan bıylǵy álem chempıonatynyń fınalyna shyqty. Endi olar fınalda Argentınamen kezdesedi. Al Marokko úshinshi oryn úshin matchta Horvatııa quramasymen ózara baq synaıdy.

Dastan KENJALIN,

ASTANA