SportPress.kz Qazaqstan sport jańalyqtary
Fýtboldan Katarda ótip jatqan álem chempıonatynyń jartylaı fınalynda Franııanyń ulttyq quramasy Marokko komandasyn jeńgennen keıin tolqý bastaldy. Jappaı tártipsizdikter Franııamen qatar, Belgııada da bolyp jatyr.
Franııa men Marokko quramalarynyń matchy 2:0 esebimen aıaqtalǵan edi. Osyny syltaý etip, ashýǵa býlyqqan halyq Parıj ben Monpole qalalarynyń kóshelerine shyǵyp, polıııaǵa qoldaryna túsken zattardyń bárin laqtyryp, tártipsizdik jasady.
Daily Mail basylymynyń habarlaýynsha, sársenbiden beısenbige qaraǵan túni Parıjde Franııa men Marokko quramalary jankúıerleriniń arasynda qaqtyǵys boldy. Kóshege shyqqandardyń kóbisi – tegi marokkolyq azamattar. Franııada burynnan beri Marokkonyń úlken qaýymdastyǵy turady. Olardyń kóbisiniń qos azamattyǵy bar. О́ıtkeni, Marokko – 1956 jylǵa deıin Franııanyń otary bolǵan el.
Bul qaqtyǵysqa Parıjdiń polıııasy ótken aptadan beri daıyndalǵan. Sol kezde tártip saqshylary shırek fınalda Marokko komandasy Portýgalııa quramasyn jeńgennen keıin jankúıerler arasynda bolǵan tóbelesti ýaqytynda toqtatqan bolatyn. Al RMC Sport málimeti boıynsha, keshegi qaqtyǵysta Monpele qalasynda 14 jastaǵy jasóspirim qaza tapqan. Franııa jankúıerleri otyrǵan kólikke belgisiz adamdar kelip, terezeden shyǵyp turǵan ulttyq komandanyń týyn julyp alǵan. Júrgizýshi kenet ornynan qozǵalyp, 14 jastaǵy balany qaǵyp ketken. Ol aýrýhanada alǵan jaraqatynan kóz jumǵan.
Buǵan deıin de munda franýzdar men etnıkalyq marokkolyqtar arasynda jappaı qaqtyǵys bolǵan.
Qolda bar málimetke qaraǵanda, qazir qaqtyǵys Franııanyń Parıj, Nıa, Monpele qalasy men Belgııanyń astanasy Brıýsselde ulasyp ketti. Polıııa jankúıerlerge kózden jas aǵyzatyn gaz qoldansa, sherýshiler polıııa qyzmetkerlerine qarsy otshashýlar atyp, basqa da zattardy laqtyryp, birneshe qoqys dorbalary men karton jáshikterdi órtep jibergen.
Dastan KENJALIN,
ASTANA
