Búgin álemniń jańa chempıony anyqtalady

Búgin Katarda ótip jatqan fýtboldan XXXII álem chempıonaty óziniń máresine jetedi.

Fınaldyq matchta Argentına men Franııa quramalary kezdesedi.

Kezdesý Doha qalasynyń irgesinde osy chempıonat úshin arnaıy salynǵan Lýsaıl kentinde boı kótergen ózimen attas «Lýsaıl» stadıonynda ótedi. Ol Astana ýaqytymen 21:00 saǵatta bastalady.

Argentına quramasy osymen álemniń sońǵy úsh chempıonatynda ekinshi ret fınalǵa deıin jetip otyr. Ol 2014 jyly Brazılııada jalaý kótergen mýndıaldyń fınalynda Germanııa quramasymen kezdesip, over-taımda 0:1 esebimen utylyp qalǵan edi.

Franııa quramasy qatarynan ekinshi ret chempıonattyń fınalyna shyǵyp otyr. Ol munyń aldynda, 2018 jyly Reseıde ótken álem chempıonatynyń sońǵy oıynynda Horvatııa quramasymen altyn medal úshin talasqan. Máskeýdegi «Lýjnıkı» stadıonynda ótken sol oıynda franýzdar qarsylastaryn 4:2 esebimen utty.

Endi osy kezdesýde jeńiske jetken qurama álemniń úsh dúrkin chempıony ataǵyn ıelenedi. Buǵan deıin Argentına 1978 jáne 1986 jyldary, Franııa 1998 jáne 2018 jyldary álemniń eń myqty komandasy ataǵyn jeńip alǵan bolatyn.

Dastan KENJALIN,

ASTANA