Úılený toıy kezinde álem chempıonatynan tikeleı kórsetilim qoıyldy

Reseıdiń «Zenıt» klýby men Qazaqstan quramasynyń qorǵaýshysy Nuraly Álip Aqtaýdaǵy úılený toıynda Argentınanyń jeńisin toılady.

Jastardyń úılený toıy Aqtaý qalasyndaǵy «Han shahar» saltanat saraıynda boldy. Toı kezinde meıramhanadaǵy ekrandardan álem chempıonatynan tikeleı kórsetilim qoıyldy. Al álem chempıony anyqtalǵan sátte fýtbolshynyń meıramhananyń ortasynda shattanyp júrgen vıdeosy áleýmettik jelide tarady.

Nuraly Paqtuly Álip — Aqtaý qalasynyń týmasy. «Kaspıı» fýtbol klýbynyń túlegi. 2015 jyly «Qaırat» klýbynyń jastar komandasyna alynǵan.

2018 jyly naýryzda Almatynyń «Qaırat» klýbynyń negizgi quramyna qosyldy. Alǵashqy oıynyn 11 naýryz kúni «Qyzyljar» klýbyna qarsy ótkizip, alańda 90 mınýt boıy oınady. Bul oıynda «Qaırat» 2:1 esebimen jeńiske jetti.

2020 jyly Qazaqstan chempıony atandy.

2022 jyly qańtarda «Zenıt» klýbynyń qorǵaýshysy boldy. Jaqynda ol Sankt-Peterbýrg komandasymen kelisimshartty uzartty.

Nurdáýlet KENJEBAI,

ASTANA