Álem chempıonaty tarıh qoınaýyna ketti

Almatyda jyldam jáne blı shahmattan álem chempıonatynyń jabyl saltanaty ótti.  Bir aptaǵa sozylǵan  álemdik dodaǵa  tańdaýly grossmeısterler qatysyp, jarys kórigin qyzdyrdy.

Álem chempıonatynyń saltanatty jabylý rásiminde sóz sóılegen Almaty qalasynyń ákimi Erbolat Dosaev  dodanyń elimizde ótýine muryndyq bolǵan Halyqaralyq shahmat federaııasyna (FIDE) alǵysyn bildirdi.  Buǵan deıin de sport túrlerinen álem chempıonaty, basqa da mańyzdy dodalar  ótip kele  jatqan Almaty qalasynyń ákimdigi  shahmattan álem chempıonatyna da úlken qoldaý kórsetti. Qazaqstan shahmat federaııasynyń vıe-prezıdenti Dármen Sádýaqasov Almaty qalasynyń ákimi Erbolat Dosaevqa  jyldam jáne blı shahmattan ótken álem chempıonatynyń belgisi sanalatyn estelik taqtany syıǵa tartyp,  federaııa ujymy atynan alǵys aıtty.

Bul álem chempıonaty da tarıh qoınaýyna ketti. Almatyda ótken ǵalamdyq doda Qazaqstan shahmatynyń órleý dáýiri týyp kele jatqanyn taǵy bir márte pash etti.

Jyldam shahmattan ıaǵnı rapıdten álem chempıony ataǵyn jáne kýbok pen medaldi norveg sportshysy, álemdik grossmeıster Magnýs Karlsen enshiledi. Ol 13 upaıdyń 10-jınady.  Keıingi on jyldyń ishinde  shahmattan Magnýsty  jeńetin  shahmatshy shyqpaı tur. Kúmis medal 13 upaıdan 9,5 upaıyn  alǵan    germanııalyq  Vınsent Kaımerge buıyrdy.  Rapıdten  qola medal  amerıkalyq Fabıano Karýananyń qanjyǵasyna bókterildi.

Rapıdten qyzdar arasynda álem chempıony ataǵy qytaılyq Tan Chjýnıge buıyrdy. Kúmis medal jerlesimiz Dınara Sádýaqasovaǵa jazyldy.  Qola medaldi úndistandyq  Savıta Shrı aldy.

Blıten erler dodasynda da álem chempıony ataǵy norveg Magnýs Karlsenniń qanjyǵasyna bókterildi.  21 upaıdyń 16-syn jınaǵan Karlsen eline orasan oljamen attandy. Kúmis medal amerıkalyq Hıkarý Nakamýraǵa  buıyrdy. ol 15 upaı aldy. Qola  júldeni Armenııanyń jas shahmatshysy kelesheginen úlken úmit kútetin talantty ul  Aık Martırosıan  aldy. Ol da 21 upaıdyń 15-in ıelendi.

Blıten qyzdar arasyndaǵy dodada  kúlli qazaqstandyqtar Bıbisara Asaýbaevanyń jolynan júlde kútti. Byltyr Polshada ótken álem chempıonatynda  blıten altyn medal alǵan bolatyn. Bıbi qyzymyz sol  bıiginen tómendemeı elimizde ótken álem chempıonatynda ánuranymyzdy shyrqatyp, kók týymyzdy jelbiretip álem chempıony atandy. Kúmis medal shahmattyń otany sanalatyn Úndistannyń qyzy  Hampı Konerýge buıyrdy. Qola júldeni reseılik Polına Shývalova oljalady.  Halyqaralyq shahmat federaııasynyń (FIDE) basshylary  qazaq eline  shahmattan álem chempıonatyn joǵary deńgeıde ótkizgeni úshin alǵysyn bildirdi.

Qýanysh RAHMET,

ALMATY