SportPress.kz Qazaqstan sport jańalyqtary
Bokstan KSRO jáne Eýropa chempıony Myrzaǵalı Aıtjanov Qazaqstan ulttyq qurama komandasynyń bas jattyqtyrýshysy bolyp taǵaıyndaldy. Bul qyzmetke ol 3 qańtar kúni kirisip ketti.
Buıryq shyqty. Qazaqstan boks federaııasy ulttyq qurama komandany senip tapsyrdy. Sol senimdi aqtaýǵa tyrysamyz. Jańa jyldyń qarsańynda basshylar bas jattyqtyrýshy bolýǵa usynys aıtqan bolatyn. Men kelisimimdi bergenmin. Sodan keıin buıryq Jańa jyl merekesinen keıin shyqty. 3 qańtardan beri oqý-jattyǵý jıynyndamyz, – dedi Myrzaǵalı Aıtjanov.
Myrzaǵalı Qulanuly Aıtjanov 1970 jyly 13 qyrkúıekte qazirgi Túrkistan oblysyna qarasty Saıram aýdanyndaǵy Qarabastaý aýylynda týǵan. Jastar arasynda Keńes Odaǵy kýbogynyń kúmis júldegeri, KSRO jáne Eýropa chempıony.
Ol ulttyq quramaǵa 2009-2018 jyldary bas jattyqtyrýshy boldy. Sol kezderi ulttyq qurama Olımpııa oıyndarynda 2 altyn, 3 kúmis, 2 qola, álem chempıonatynda 5 altyn, 8 kúmis, 7 qola, Azııa oıyndarynda 8 altyn, 6 kúmis, 4 qola, Azııa chempıonatynda 15 altyn, 7 kúmis, 6 qola medaldi jeńip aldy. Sondaı-aq Myrzaǵalı Aıtjanov álemniń eki márte úzdik jattyqtyrýshysy atanǵan.
Sodan keıin ulttyq quramany Qaırat Sátjanov jattyqtyrdy. Ol qurama tizginin byltyr Tokıo Olımpıadasynan keıin ustady. Komandany Belgradta ótken álem chempıonatyna bastap bardy. Serbııada Qazaqstan quramasy 2 altyn júldeni jeńip aldy. Bıyl ulttyq qurama Ammandaǵy Azııa chempıonatyna da qatysty. Endi mine, ulttyq quramanyń tizginin Myrzaǵalı Qulanuly qaıta ustap otyr.
Dastan KENJALIN,
ASTANA
Informaııa polýchena spasıbo. Shıkarnyı vybor avtomatov na pin up onlaın kazıno eto moe lıýbımoe kazıno, ıa ınogda poseщaıý ı drýgıe klýby, no etot vne konkýrenıı.