Australian Open-2023: قازاقستان تەننيسشىلەرى ەكىنشى اينالىمعا جولداما الدى

تەننيستەن اۆستراليادا ءوتىپ جاتقان ۇلكەن دۋلىعا» تۋرنيرىندە ايەلدەر اراسىندا الەمنىڭ 47-راكەتكاسى يۋليا پۋتينتسەۆا، ەرلەر اراسىندا  الەكساندر نەدوۆەسوۆ پەن اندرەي گولۋبەۆ جۇپتىق سىندا ەكىنشى اينالىمعا شىقتى.

اۋەلى پۋتينتسەۆا الەمنىڭ 42-راكەتكاسى، رۋمىنيالىق سورانا كىرستيامەن كەزدەسىپ، ونى ءبىرىنشى پارتيادا 6:2، سودان كەيىن 6:4، 6:3 ەسەبىمەن ۇتتى.

ەكى ساعاتقا جۋىق ۋاقىتقا سوزىلعان ماتچتا پۋتينتسەۆا 3 ەيسپەن بىرگە بەس برەيك-پوينتتى تۇگەل پايدالانا ءبىلدى. ەندى قازاقستان تەننيسشىسى ءۇشىنشى اينالىمعا شىعۋ ءۇشىن الەمنىڭ 31-راكەتكاسى، چەحيالىق كارولينا پليشكوۆامەن كەزدەسەدى

الەكساندر نەدوۆەسوۆ پەن اندرەي گولۋبەۆ جۇپتىق سىندا اۆستراليالىقتار دەين سۋيني مەن لي تۋمەن كەزدەستى. بۇل ويىندا وتانداستارىمىز قارسىلاستارىن 6:0، 6:2 ەسەبىمەن وڭاي جەڭدى. ءبىر ساعاتقا جۋىق ۋاقىتقا سوزىلعان باسەكە بارىسىندا ولار 1 ەيس جاساپ، 7 برەيك-پوينتتىڭ بەسەۋىن پايدالاندى.

ەندى ولاردىڭ ەكىنشى اينالىمداعى قارسىلاستارى كەيىن انىقتالادى.

الەكساندر بۋبليك مەلبۋرنمەن قوش ايتىستى. ول اۆستراليالىق دجون-پاتريك سميتپەن بىرگە وسى «ۇلكەن دۋلىعا» ءتۋرنيرىنىڭ ءبىرىنشى راكەتكالارى، نيدەرلاندىلىق ۋەسلي كولحوف پەن نيل سكۋپسكينەن 1:6، 2:6 ەسەبىمەن جەڭىلىپ قالدى.

اننا دانيلينا مەن الەكساندر نەدوۆەسوۆ ميكستە كۇش سىناسادى. ولار كولۋمبيالىق حۋان سەباستيان كابال – فرانتسيالىق كريستينا ملادەنوۆيچ دۋەتىمەن وينايدى.

داستان كەنجالين،

استانا