Australian Open-2023: Qazaqstan tennısshileri ekinshi aınalymǵa joldama aldy

Tennısten Avstralııada ótip jatqan Úlken dýlyǵa» týrnırinde áıelder arasynda álemniń 47-raketkasy Iýlııa Pýtıneva, erler arasynda  Aleksandr Nedovesov pen Andreı Golýbev juptyq synda ekinshi aınalymǵa shyqty.

Áýeli Pýtıneva álemniń 42-raketkasy, rýmynııalyq Sorana Kyrstıamen kezdesip, ony birinshi partııada 6:2, sodan keıin 6:4, 6:3 esebimen utty.

Eki saǵatqa jýyq ýaqytqa sozylǵan matchta Pýtıneva 3 eıspen birge bes breık-poıntty túgel paıdalana bildi. Endi Qazaqstan tennısshisi úshinshi aınalymǵa shyǵý úshin álemniń 31-raketkasy, chehııalyq Karolına Plıshkovamen kezdesedi

Aleksandr Nedovesov pen Andreı Golýbev juptyq synda avstralııalyqtar Deın Sýını men Lı Týmen kezdesti. Bul oıynda otandastarymyz qarsylastaryn 6:0, 6:2 esebimen ońaı jeńdi. Bir saǵatqa jýyq ýaqytqa sozylǵan báseke barysynda olar 1 eıs jasap, 7 breık-poınttyń beseýin paıdalandy.

Endi olardyń ekinshi aınalymdaǵy qarsylastary keıin anyqtalady.

Aleksandr Býblık Melbýrnmen qosh aıtysty. Ol avstralııalyq Djon-Patrık Smıtpen birge osy «Úlken dýlyǵa» týrnıriniń birinshi raketkalary, nıderlandylyq Ýeslı Kolhof pen Nıl Skýpskınen 1:6, 2:6 esebimen jeńilip qaldy.

Anna Danılına men Aleksandr Nedovesov mıkste kúsh synasady. Olar kolýmbııalyq Hýan Sebastıan Kabal – franııalyq Krıstına Mladenovıch dýetimen oınaıdy.

Dastan KENJALIN,

ASTANA